Serekîya Daîreya Xizmetanê Sosyalan, bi amancê ke wendekarî betlaneyê hamnanî bi berhemdarî bivîyarnê û piştî bida prosesê amadekarîya îmtîhanî, kursanê hamnanî yê bêpereyan organîze kena. Kursê ke bi koordînasyonê Mudirîya Şûbeyê Perwerdeyê Ciwanan yenê ramitene, Merkezê Etudî yê Akademî Sûr, Akademî Huzurevlerî û Akademî Çermûgî de yenê dayene.

Akademîya ke serra perwerde-wendişî de pîştîya bêpere dana, dewreyê hamnanî de zî bernameyê perwerdeyî yê ke seba wendekaranê qonaxanê cîya-cîyayan ê, dewam kenê.

Seba wendekaranê YKS û LGS’yî piştîdayîş

Çarçewaya bernameyî de Akademî Sûr de seba wendekaranê ke xo seba Îmtîhanê Dezgehanê Perwerdeyê Berzî (YKS) hazir kenê, perwerdeyî yenê dayene, Akademî Huzurevlerî û Akademî Çermûgî de seba wendekaranê sinifa 8. ya Sîstemê Vîyartişê Lîseyan (LGS) dersî yenê dayene.

Kursî do heta 31ê temmuze dewam bikerê

Kursanê hamnanî yê bêpereyan ke 6ê temmuze dest pêkerd, do heta 31ê temmuze dewam bikerê. Şaredarîya Amedî ya Şaristanê Girdî, goreyê fehmê seypêyîya firsendî, do piştîdayîşê wendekaran ê rayîrê perwerdeyî dewam bikera.