Şaredarîya Bajarê Girdî ya Dîyarbekırî bi slogana “Bi cîya cîya rengan heme gedeyan ra şayîya firfirikan” çalakîyêk virazîya û asmên bi firfirikanê gedeyan bî rengîn.

Serekîya Dayîreyê Ciwan û Sporî ya Şaredarîya Girdî semedê gedeyan şayîya firfirikan serrast kerd.Şayî, Warê Fitbolî ya Sentetîk ya Gelîya Unıversîteya Dîcle de virazîya.Şayîye rê Sekreterê Pêroyî ya Şaredarîya Bajarê GirdÎ ya Dîyarbekırî Muhsın Eryilmaz,gedeyan û keyeyanê gedeyan beşdar bîyî.

Gedeyanê Otîzmîyan firfirik perrnayî

Çalakîyê de firfirikan gedeyan rê ame vilakerdene û çalakîyê de gedeyanê otîzmîyan zî firfirik perrnayî û mirda xo keyf kerdî.

Sewbînan çalakîyê de gedeyan rê standan di boyaxkerdîşê rîyî zî virazîya.Gedeyan bi destanê boyaxkerde da tabloyan û karbidestan pêynîya çalakîyê de nê tabloyan dîyarîyê gedeyan kerdî.Gedeyan rê çalakîyê de kek û awe meywe ame vilakerdene û bi wesayîtan gede û keyeyanê gedeyan resayenê keyeyanê xo.