Şaredarîya Amedî ya Şaristanê Girdî, domananê otîstîkan rê kursê asnawe dana.

Merkezê Perwerdeyê Spor yê Otîzmî de ke binê Serekîya Daîreya Xizmetê Ciwan û Sporî de yo, 36 wendoxanê otîstîkan rê qabilîyetê sporî ê bingeyînî, kardîyovaskuler fîtness û perwerdeyê temamkerdişê hîsan yeno dayene.

Seba 12 wendoxanê otîstîkan ke grûba emrê hurdîyan de yê û merkezî de qeyd bîyê, Hewzê Asnawe yo Akerde yê TOKÎyê Seyrantepeyî de, bi perwerdekaranê pisporan hefteyêk de rojêk, çarçewaya perwerdeyê temamkerdişê hîsan û hîdroterapî de kursê asnawe yenê danê.

Domanê otîstîkî ke perwerdeyê asnawe gênê, embazanê xo reyde wextanê weşan zî vîyarnenê.