Şaredarîya Bajarê Girdî yê Amedî mabenê 4-14 serrî 14 gedeyo astengdar rê Hîpodrûmê Amedî de xizmetê hîpoterapîyî(Terapîyê Biestorî) daye.

Serekîya Dayîreyê Xizmetanê Kultur û Sosyalî ya Şaredarîya Bajarê Girdî, semedê resnayîşê astengdaran averbêrî xizmetê hîpoterapîyî dano.Xebatanê hîpoterapîye ya astengdaran yeno hedef kerdene ke her hewte bêrî viraştene.Sifteyê xizmetê Hîpodrûmê Amedî de bi 14 gedeyî û keyeyanê înan dest pêkerd.Çalakîya ke bê pere ame dayene de perwerdeyan hetê pîsporan yenê dayene.

Derheqê babete de xebatkara Serekîya Dayîreyê Xizmetanê Kultur û Sosyalî ya Şaredarîya Girdî Pîspor Nevîn Tîyenç agahî daye û aşkera kerd ke hîpoterapî semedê resnayîşê gedeyan,koordînasyonê çim û destê gedeyan û têkilîyê gedeyan giring o.Tîyenç da zanayene ke bi ina xebate bawerîyê gedeyan zî yeno ca.

Hemwelatijî ke wazenê tewrê nê çalakîyê bibê eşkenê Cuya Muşterek a Sumerparqe de qeydê xo bivirazî.