Şaredarîya Bajarê Girdî yê Amedî,Atolye ya Sinetî de berhemên kê malzemeyî eşteyan ra ameyî bî viraştiş “Teraz” û “Çinayer” 2 cîya nuqteyî bajarî de rona.Hemserekê Şaredarîya Bajarê Girdî yê Amedî Adnan Selçuk Mizrakli heykelan wekinit û kesên kê ina xebate de ked werdîyî spas kerd.

Atolye ya Sinetî ya kê Serekîya Dayîreyê Baxçe û Parkan ra giredayeyê,berhemên kê malzemeyî eşteyan ra viraştî bî bajar di cayê xo gêno.Atolye ya Sinetî de 5 aşmî verê xebatanê heykelan dest pê kerdîbî.Bi qedêyayîşê xebate,bi name “Teraz” û “Çinayer” di heykel 2 cîya nuqteyî bajarî de ame ronayene.Hemserek Mizrakli,heykelan wekinit û personelan xebate înan ra ver pîroz kerd.

Heykelsazê kê Atolye ya Sinetî de wezîfê kenê Mehmet Salih Coşkun heykelan pê kerrayê bazalt a Qerejdaxî viraştî yo.Heykela “Teraz” ê cîhanê ya kê mabenê rindîyê û xiravîyê de maneno temsîl kenê Bulvara Qamişloyî de ame ronayene.Heykela “Çinarey” zı Çatreya Kantarî ya Rayîra Rîhayî sero ame ronayene.

Mizrakli Temaparkî de xebatan wekinit

Hemşaredar Mizrakli bi Serekê Dayîreyê Park û Baxçeyan û serkarê bîrîman ra Temaparke ya qezayê Peyasê sehna û derheqê xebatan de zanayîş girewt û parke de hemwelatîyon ra pêvînayiş kerdê.Mizrakli bado Cadde ya Sakaryayî zîyaret kerd û derheqê xebatane newe kerdene di zanayîş girewt.