Wezaretê Karanê Zereyî semede ke trafikte bal bionce peyayan ser o heme bajaran di eynî wext de çalakîya “Ma Nobedarê Asayîşê Peyayan î” serrast kerd û çalakîyê rê Walî û Serekwekîlê Şaredarîya Bajarê Girdî ya Dîyarbekirî Hasan Basrî Guzelogluyî zî beşdar bî.

Wezaretê Karanê Zereyî semede ke trafikte bal bionce peyayan ser o heme bajaran di eynî wext de çalakîya “Ma Nobedarê Asayîşê Peyayan î” serrast kerd.Çalakî Warê Dagkapi de serrast Bî û çalakîyê rê Walî û Serekwekîlê Şaredarîya Bajarê Girdî ya Dîyarbekirî Hasan Basrî Guzelogluyî,Midurê Asayîşê Bajarî Şukru Yaman,Fermandarê Cendirmeyan Tuggeneral Mustafa Erdem,Endamê Odeya Şofor û Otomobilcîyan,serekê koperatîfan ûw endekaran beşdar Bîyî.Çalakîyê de wendekaran pankartanê “Ma Nobedarê Asayîşê Peyayan î”,”Ti ke peyayêk a”,”Ma no rayîr de pîya yî”,Vinde no rayîr de ez ke esta”,”Ti vinde ke cu mevindo” kirişti.

Çalakîyê de Midurîyê Weşî ya Bajarî,Cenderme,Ekîbê Trafîkî ya Midurîya Asayîşî û wendekaran bi pankartî” Vinde-Derbas bo” uca de hadre bî.Ekîbê Asayîşê wendekaran rê broşüre ke semede asayîşê peyayan ameybî çaplerdene vilakerd û kitabe boyaxkerdîşî ya derheqê qaydeyê trafîkî vila kerd.

Birêz Guzelogluyî zî derheqê çalakîyê de agahî daye wendekaran û înan rê broşûran vila kerd.

“130 nuqteyî de henzar polîsê trafîkî wezîfe bikerî”

Birêz Guzelogluyî aşkera kerd ke ewro heme bajaran ra eynî wext de hetê çalakîyê “Ma Nobedarê Asayîşê Peyayan î” bîyo û kîfş kerd ke semedê ewlehîyê peyayan no heq hetê Wezîrê Karanê Zereyî Suleyman Soyluyî ameyo dayene.Badê Guzelogluyî wîna dewom kerd:”Ewro 2 saet heme bajarê ma de polîsanê trafîkî peyavîyeron di wezîfe bikerî.Ma wazeme ke hîstenîkîye peyayan û qaydeyê trafîkî rê bal bioncîme.Ma wazeme ke heme wendekaranê ma bibê qasidê trafîkî ya zerrîwaze.”

“Armancê ma pawitişê gan û malê şima yî”

Birêz Guzelogluyî dîyar kerd ke prosese trafîkî de Dîyarbekir û Tirkîya xeyle aver şîya û bade wîna dewom kerd:”Ma zanenê ke gora demanê binan qaydeyê trafîkî de ma xeyle aver şîya la no semed m abes nîya ma wazeme ke henî aver şerîme û vere qezayan bigîrîme.Armancê ma pawitişê gan û malê şima yî.Ma encax bi no hîstenîkî û berpirsîyarîye eşkenî şima qezayon ra bipawê.Ez piştgirîye înan vera, Midurîya Asayîşê Bajarî rê,Fermandarîya Cendirmeyan a Bajarî rê,selehîyetdaraNê odeyan û şoforan rê,serekê koperatîfan rê û heme ramitoxan rê spas kena.Ez reyna wazena ke no çalaki semede heme hemwelatijan xeyrin bo û wendekaran rê spas kena.”

Qalîkerdiş ra dima Birêz Guzelogluyî beşdaran ra pîya, peyavîyer ra derbas bî.