Hemşaredara Şaredarîya Amedî ya Şaristanê Girdî Serra Bucak, beşê Ca De Çarekerdişî de şarî qebul kerdî û goşdarîya pêşnîyaz û waştişê înan kerde.

Hemşaredara Şaredarîya Şaristanê Girdî Serra Bucak, beşê Ca De Çarekerdişî de ke Serekîya Daîreya Çapemenî, Weşanî û Têkilîyanê Şarî de xizmet dano ke problemanê şarî safî biko, şarî qebul kerdî. Hemşaredare Bucak goşdarîya muracatanê welatîyan kerde, înan reyde qisey kerd û pêşnîyaz, gazin û waştişê înan yew bi yew not kerdî.

Hemşaredare Bucak seba çarekerdişê waştişan beşê eleqedarî wezîfedar kerdî û derheqê ardimê sosyalî û waştişê karî de welatîyan reyde seba çarekerdişî fikrê xo vatî.

Hemşaredare Serra Bucak reyde Hetkarê Sekreterê Pêroyî Ozgur Yildiz, Sereka Daîreya Çapemenî, Weşanî û Têkilîyanê Şarî Berîvan Guneş û endamê meclîsî pîya bî.