Serekîya Dayîreyê Karanê Weşîye ya Şaredarîya Girdî ra beyanata Merkezê Ciewnîyayiş û Rehabîlîtekerdişê Heywanan

Merkezê Ciewnîyayiş û Rehabîlîtekerdişê Heywanan 12 serrî vera ameyo awan kerdene.İnka no merkez 400 kutik û 60 pisinge rê wayîrtî keno.Sewbînan heywananê ke bêwayîr yan zî birîndar zî no merkeze de tedawî vînenê.O semed merkez hem satargehê heywanan o hem zî neweşxaneyê heywanan o.

Ma nêzdîye 4 aşmî vera waxto ke ameyî wezîfe ser o ma xeylê probleman ra pîya wezîfe dewr girewt.Ma waştîş û pêşnîyazî şarî her cayê de giring vînenê û ma o semed agahdarîya şarî sey binaşê şaredartîya komelkî vînenê.Ma her xebatê xo de agahî danê şarî û ma goşdarîya înan zî kenî.

No qepsam de ma 2 aşmî vera, hemverê gerreyan de derheqê 2 personelê xo ra mabenê lijneyî de cipersayîş da dest pêkerdene.La ma vînenê ke endî merkezê heywanan gora waştîşanê 17 qezayê heywanan qem manenê û ma zî no qepsam de projeyêko hadre kerd û ma prosesê îhale da dest pêkerdene kê merkezêko henî weş û modern awan bikerîme.Qepsema projeyê de ser cayêko 17 donim erdî de stargeh û koxa asayîşe,binyatê îdarî,amelîyatxane,beşa postoteratîfe,rontgen û odeya ultrasone,odeya muayeneye,odeya ciewnîyayîşo giran,odeyanê personelan,wc,mescîde,kafeterya,depoyê hewayo serdin,salona perwerdeye û 3 tîpan de 52 hebî koxa heywanan û yew zî stargêho dewaran,keyeyê pisingan û otoparq bêrî viraştene.Ma çarçiwaya no xebate de istewrekerdişê mobîl û ambulansê heywanan zî waşt.

Ewro zî reyna serebûtêko xemgîn vejîyay werte.Ma roja ewilî ya no serebûtê personelanê ke binê banê stargehê de wezîfe kenê; 1 berpirsîyar,3 personelê hetkar û 4 hebî zî personelê ware de cipersayîş da dest pêkerdene.Ma 6 kutikî ke eks bîyî zî seba otopsîye erşawit Xarpêtî û beguman ma do no serebûtê û raştîye bivejî werte.

Xeberanê ke çapemenîyê de vejîay zî raşt nîye.Semed ma merdim,xoza û heywan cayêko zaf giring der o.Berê ma her tim heywanhes û xozahesan rê akerde yo