Mudirîya Pêroyî ya DÎSKÎ yê Şaredarîya Amedî ya Şaristanê Girdî, Taxa Toplu de ke girêdayeya Qezaya Çêrmûge ya, problemê awa şimitişî yo ke aşmanê hamnanî de yeno vejîyayene, çareser kerd.

Mudirîya Pêroyî ya DÎSKÎ, seba ke awa şimitişî bêvindertene û bi hawayêko weş biresno noqtayanê tewr dûrî yê bajarî, xebatê viraştiş û xurtkerdişê binawanîyan dewam kena.

Na çarçewa de Taxa Toplu ya Qezaya Çêrmûge de ke 128 keyeyî û teqrîben 800 nufusê aye est o, seba ke problemê awa şimitişî yo ke bitaybetî aşmanê hamnanî de yeno vejîyayene, bêro çarekerdene, ekîbanê DÎSKÎ dest bi xebate kerd, xeta şebekeyê awa şimitişî ser o xebatê xurtkerdiş û îlaweyî xeta awa şimitişî kerdî. Bi encamê xebatan, problemê awa şimitişî ke bi serran dewam kerdêne, ame çarekerdene.

Şarê taxe ke seba xebate keyweşîya xo îfade kerd, bitaybetî seba ke mexdurîyetê înan o ke aşmanê hamnanî de awa şimitişî ra yeno vetene, çareser kerdo, sipasîya xo ekîbanê Mudirîya Pêroyî ya DÎSKÎ rê kerd.