Hemşaredara Amedî ya Şaristanê Girdî Serra Bucak, Taxa Awcisuyu ya qezaya Kayapinarî de kombîyayîşo ke ameye organîzekerdene, cinîyan reyde ameye têhet.

Kombîyayîşî de ke cinîyan problemê xo yê cuya komelkî, ekonomîkî û sosyalî vatî, pêşnîyazê çareserîye ameyî erjnayene.

'Seba ke ma cinî yê, problemanê ma yê xususî est ê'

Hemşaredara Amedî ya Şaristanê Girdî Serra Bucak va, "Seba ke ma cinî yê, problemanê ma yê xususî est ê. Hem Şaredarîya ma ya Şaristanê Girdî de hem zî şaredarîyanê qezayan de yewîneyê ma est ê ke eşkenê nê probleman çareser bikerê. Berê şaredarîyanê ma her dem cinîyan rê akerde yê."

Kombîyayîşî de cinîyan waştişê xo resnayî, gedeyan rê zî çalakîya boyaxkerdişî ameye organîzekerdene.