Walî û Serekwekîlê Şaredarîya Bajarê Girdî yê Dîyarbekirî Hasan basri Guzelogluyî Maratonê Mîyanneteweyî Sûrî ya ke aşma Nîsane de yeno plankerdiş ke bêro viraştiş, qalî kerd û heme sporbazan dawetê Dîyarbekirî kerd.

Semedo ke Dîyarbekir pê tarîx, tûrîzm û sporî bêro şinasnayiş aşma Nîsane de Maratonê Mîyanneteweyî Neme ya Sûrî bêro serrastkerdiş û o semed ewro qezaya peyasî otelêk de kombîyayîşê pêhesnayîş û daşinasnayîşê maratonî virazîya.Kombîyayiş rê Walî û Serekwekîlê Şaredarîya Bajarê Girdî yê Dîyarbekirî Hasan Basri Guzeloglu, Serekê Federasyonê Atletîzmî yê Tirkîya Fatih Çintimar, hetkarî walîyî, şaredarî qezayon, selahîyetdaranê lijneyan û temsîlkaranê dezgeyanê sîvîlan, wendekaran û sporbazan beşdar bîyî.

Kombîyayiş de Serekê Federasyonê Atletîzmî yê Tirkîya Fatih Çintimar qalî kerd û aşkera kerd ke Dîyarbekir pê ciwananê xo semedê sporî cayêko girîng der o.Badê Walî û Serekwekîlê Şaredarîya Bajarê Girdî yê Dîyarbekirî Hasan Basri Guzelogluyî qise girewt û “Bajarî ma kiriştbarê 33 medenîyet û tarîxî yo û ma nika zî semede bajarî xo wezîfeyêko girîng anê ca û ma ciwananê xo sporî ra yene têhet.Ez bawera ke bi na çalakîya girîng bajarî ma eleqeyêko weş bivîno.Dîyarbekir û hemwelatijanê ma heme çîyanê weş heq kenê “ vat û badê Maratonê Mîyanneteweyî ya Sûrî ser o agahî daye.Walî Guzelogluyî aşkera kerd ke maratone de bi tewrê 100 hezar kesî vozdayîşê şarî bêro viraştiş û heme sporbazan dawetê Dîyarbekirî kerd.

QaLîkerdişan ra dima Walî Guzeloglu, sporbazanê milli û endamê protokolî rê omarê beşdarîye ame taqdîm kerdiş.

Badê Walî û Serewkekîlê Şaredarîya Bajarê Girdî yê Dîyarbekirî Hasan Basri Guzeloglu, xelate gedeyanê ke musabaqayon di kewtî bî derece daye.