Serokatîya Daîreya Karûbarên Tenduristî ya Şaredariya Bajarê Mezin a Amedê li navenda bajêr û navçeyan bi 48 wesayit û 238 xebatkaran xebatên dermankirinê dimeşîne.

Serokatîya Daîreya Karûbarên Tenduristî ya Şaredariya Bajarê Mezin a Amedê bi mebesta parastina tenduristiya gel bêrawestan xebatên dermankirinê dimeşîne. Xebat bi 238 xebatkaran tê meşandin, her ekîb 40 kes e û 48 wesayit jî di vê xebatê de tên bikaranîn. Di xebata dermankirinê de dermanên jinavbirina dûpişkan jî tên reşandin.

Midûrê Şaxa Tenduristiya Gel û Karûbarên Beyteriya bi ser Serokatîya Daîreya Karûbarên Tenduristiyê Mehmet Baran der barê xebatê de agahî dan û got, “Li seranserê bajêr xebatên dermankirina dijî peydabûna xerzên kelmêşan tên meşandin, wek pêla duyan niha jî xebata dermankirinê bo jinavbirina dûpişkan hate destpêkirin. Xebat li Sûrê dest pê kirin û li Bazara Mast û Peynîran jî dermanên dijî pêşû, mêş, kêzik û dûpişkan dest pê kirin. Li ber binên Sûran û bircan dermanên jinavbirina dûpişkan têne reşandin.” Baran, bi bîr xist ku derman li hemû çiravk, avahiyên kavil, cihên şînkayî û talde û bêxwedan ku mimkûn e ev kêz û dûpişk lê vehewin tên dermankirin û got ku bo dermanên wan bi rêpêdana Rêxistina Tenduristiya Cîhanê û ruxseda Wezareta Tenduristiyê heye û got ku li seranserê bajêr wan ti emareyên xweşiya tayê peyda nekiriye.

Baran, aşkere kir ku ew berî dermankirinê û piştî dermankirinê bi 4 endezyarên avasaziyê û biyologekî cihê dermankirî seh dikin. Baran, da zanîn ku ew giliyên welatiyan demildest didin ber çavan û got ku ji bo xelk bikaribin gilîyên xwe bikin, bo pêwendî telefona 0412 226 24 52 di xizmeta xelkê de ye.