Şaredarîya Bajarê Girdî ya Dîyarbekirî semedo ke verê qetîmîyayişê kanalan bigîrê wesayîtê ewnîyayişê kanalan şuxulneno û teserif keno.

Midurîya Pêroyî ya Şaredarîya Bajarê Girdî ya Dîyarbekirî (DÎSKÎ), pê wesayîtê teknolojik, wext, erc û kedê xebatkaran ra teserif keno.

Ekîbê Dîskî pê robotê ewnîyayişê kanalan hem merkeze bajarî de hem zî teberê bajarî de arizayê ke şebekeye kanalîzasyon, awa şimitişî û izxarayê awa şilîye de peyda bênê, ca de tespit keno û mudaxaleyê ci keno.

Saya robotê ewnîyayişê kanalan arizayê ke şebekeye de nuqte- nuqte yeno kîfşkerdiş.

Robot hetanî 100 metre durîye şuxulîyeno û arizayan game bi game tespit keno aye ra zî hem hetê ked û wext hem zî hetê erce teserif virazîyeno.