Şaredarîya Bajarê Girdî ya Dîyarbekirî kuçeyê Hunerî xebatanê serawanî û binawanîye viraşt û akerd xizmetê şarî. Esnafê Kuçeyê Hunerî xebatanê şaredarî ver zaf keyfweş î.

Şaredarîya Bajarê Girdî ya Dîyarbekirî Kuçeyê Hunerî yo ke sey sembole bajarî ma yo de xebata raştkerdişî viraşt û akerdişê kuçeyî virazîya.

Komela Weşkerdiş û Pawitişê Kuçeyê Hunerî û esnafanê kuçeyî xebatanê şaredarî ver zaf keyfweş bîyî.

“Pawitişê Kuçeyê Hunerî wezîfeyê ma yî”

Serekê Komela Weşkerdiş û Pawitişê Kuçeyê Hunerî Umıt Umdu ard ziwanê xo ser ke xebatanê ke Şaredarîya Girdî Kuçeyê Hunerî de ard ca heme esnaf û hemwelatîyan kerd keyfweş.

Umduyî da zanayene ke xebata raştkerdişê kuçeyî hem goreyê gedeyan hem zî goreyê pîlan ameyo serrastkerdiş.

“Ma qed ne şêno ke bîyarî vîrê xo rojêk Kuçeyê Hunerî pê tewrê wezîr,walî û parlementeran bêro akerdiş. La ma pê tewrê wezîr,walî û parlementeranê xo ina xeyalê xo ard ca.Pawitişê Kuçeyê Huenrî yo ke pê talîmatê Walî Munır Karalogluyî ame raştkerdiş, wezîfeyê komel û esnafê ma yî.Ma do wayîr bi kuçeyê xo vejîyeno.Ez ewilî xebatanê girîng ver Walî Munır Karalogluyî rê bade heme kedweran rê spas kena.”

Umduyî veng da ke hemwelatîyan Kuçeyê Hunerî ziyaret bikerê.

Xebata raştkerdişî hetê hemwelat ûe snafan raştê eleqeyêko weş ame

Esnafê Kuçeyê Hunerî ra Ismet Yaklafî da zanayene ke xebata raştkerdişî ra dima kar û gurê înan hîna baş o.

Yaklafî îzeh kerd ke hemwelatîyan şêno pê keyeyanê xo reyde tîya de wextê xo weş biveynê û aye ra xebatanê înan ver Şaredarîya girdi rê spas kerd.

Cemal Akino ke mudeyêko Kuçeyê Hunerî de kafeye xo esto aşkera kerd ke serra 2015 ra nata Kuçeyê Hunerî bê wayîr meda û aye ra êKomela Weşkerdiş û Pawitişê Kuçeyê hunerî Awan kerde. Akinî bade wina vat : “Walî Munır Karaloglu se ke dest pê wezîfe kerd seba Kuçeyê Hunerî dest pê xebatan kerd. Xebat newekerdişê Kuçeyê Hunerî prosesê pandemî de virazîya. Badê wedaritişê qedexeyan ra dima esnafê ma Kuçeyêko hîna moder û weş de kargehê xo akerdê.Ez heme kedweran rê spas kena û wazena ke xeyrin bo.”

Hamza Çelıko ke Kuçeyê Hunerî de esnafo zî da zanayene ke bi akerdişê rîyê newe ya kuçeyî zaf keyfweş o.

Kasim Gozgorenî zî aşkera kerd ke akerdişê kargehê xo roja akerdişê kuçeyî ra rast ameyo û aye ra zaf keyfweş bîyo.

Xebatanê ke Kuçeyê Hunerî de ame viraştiş

Serekîya Dayîreyê Ciewnîyayiş û Viraştişê Rayîr û Koordînasyonê Binawanî ya Şaredarî wa semedo ke hemwelatîyan şilî de zehmentî nêancê bingehê kuçeyî de xebata xêzkerdişî viraşt.

Ekîbê şaredarî 270 metre dergi û 27 metre hîreyî de 4 hezar û 200 metre kare bingehê kuçeyî rê membran ravist.

Çarçiwa raştkerdişê kuçeyî de semedê awe şilî û kanalîzasyonî 460 metre izgara ame ravistiş.

Semedo ke Kuçeyê Hunerî saetanê şewe de hîna weş biasîyo her di hetê rayîrî rê dîregê roşnîkerdişî ronayî û 3 hezar û 800 metre bazalt ame ravistiş.

Serekîya Dayîreyê Park Baxçe û Cayanê Zergûnînan ya Şaredarî pê qedîyayişê xebatanê serawanî û binawanîye xebata peyzajî viraşt.