Hemşaredarê Amedî yê Şaristanê Girdî Serra Bucak û Dogan Hatun beşdarê forumê awe bîyî û Bucak dîyar kerd ke ê do Xerîtaya Rayîrê Forumê Awe yê Mezopotamya virazê.

Forumê Awe yê Mezopotamya yo 2. ke Şaredarîya Amedî ya Şaristanê Girdî ci rê mêmandarîye kena, roja xo ya hîrêyine de Merkezê Kultur û Kongre yê ÇandAmedî de dewam keno.

Xebatê atolyeyan ke ewro ameyî organîzekerdene, Hemşaredarê Amedî yê Şaristanê Girdî Serra Bucak û Dogan Hatunî bi Hetkara Sekreterê Pêroyî Zerîn Turk beşdar bîyî.

Hemşaredara Amedî ya Şaristanê Girdî Serra Bucak ke forumî de qisey kerd, îfade kerd ke ganî encamê forumî bêrê bicaardene û wina va: "Seba pawitişê awa xo, pawitişê herra xo û seba averberdiş û newekerdişê nê xebatanê ke ma do bikerê, ma rayberîya herêmkî teqez do cayêko zaf muhîm de ronê ."