Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu û Midurê Pêroyî yê ÎŞKURî Cafer Uzunkayayî tewrê Fuarê Karîyer û Îstîhdamî bîyî.

Koordîneya Walîtîye û bi şirîkîya ÎŞKUR û unîversîteya Dîcle, Merkezê Kongre ya Unîversîteya Dîcle de Fuarê Karîyer û Îstîhdamî abî.Walî û Serekwekîlê Şaredarîya Bajarê Girdî ya Dîyarbekirî Hasan Basri Güzeloglu,Midurê Pêroyî ya ÎŞKURî Cafer Uzunkaya,Rektorê Unîversîteya Dîcle Talip Gül, Serdogerê Dîyarbekirî Ahmet Yavuz, midurê lijneyan û temsîlkeranê STK’yan, wendekaran û hemwelatijan beşdar bîyî.Walî Güzeloglu û Midurê Pêroyî yê ÎŞKURî Cafer Uzunkayayî protokol ra pîya kurdeleye fuarê birnayî û fuarê akerdî.

Bi wendîşê Marşa Îstîqlalî û vîndertişê hurmetî ra dima Midurê Pêroyî yê ÎŞKURî Cafer Uzunkaya yew qaLîkerdişêk viraşt û “Fuaranê kariyer û îstîhdamî semede ma zaf girîngo.ÇikÎ ma Nê fuaran di kesanê kê wazenê bibê wayîrê karî û karsazan bênê têhet.O semed nê fuaran têkoşîna bêkarîye de zaf girîngo.ÎŞKUR Dîyarbekir serra 2019 de 16 hezar û 728 kesan kerd wayîrê karî, û Dîyarbekir mabenê bajaran di bî yewîn” vat.

Badê Walî Guzelogluyî bal ont giringîya fuaranê wînasî ser o û heme emegdaranê fuare rê spas kerd û dest pê qiseyê xo kerd.Walî Guzelogluyî:”Ciwananê ma dewlemendîye ma yo tewr girdo.Ma wazeme ke heme ciwananê ma bibê wayîrê karî.La ma teyna nêwazenî ciwananê ma bibê wayîrê karî ma hem zî wazenê ke ciwananê m abi kare xo keyfweş bibê.Çimkî ma zaneme ke teyna problem kar vînayîş nîya ganî herkes gora xo karêk bivîno.ÎŞKURî bi xeylê xebatan 81 bajarê ma de xeylê serkewt û xeylê xebatanê weş viraşt.No het de emege Midurê Pêroyî yê ÎŞKURî Cafer uzunkayayî bêgûman zaf girdo.Ez tîya ra heme emegdaranê ÎŞKURÎ rê û ey rê spas kena” vat.

Walî Guzelogluyî dîyar kerd ke mabenê 2 serrî de 25 hezar kesan bikerîme wayîrê karî ya bi sîgortayin û bade wîna dewom kerd:”Biewnîrê, Mintiqaya Organîze Sanayî yê Tekstîlî de inkasermayegozarîyan dest pêkerd û bi xebatanê binawanîye ra pîya dewom kenê û temom bîyayişê xebatanê tîya înşalla ma do 7 hezar û 500 kesan bikerîme wayîrê karî.Reyna serra 2020 de Mintiqaya Lojîstîkî yê Dîyarbekirî bêro awankerdene û tîya de zî ma do 5 hezar û 500 hemwelatijê xo bikerîme wayîrê karî.”

Qiseykerdişan ra dima Walî Guzeloglu,Birêz Uzunkaya û protokol pîya standan gêrayî.Walî Guzelogluyî standan di wendekaran ra ameyî têhet û înan ra mudeyêk suhbet kerd.