Şaredariya Bajarê Mezin a Amedê, beriya Cejna Qurbanê li goristanan xebata paqijiyê kir.

Serokatiya Daîreya Parastin û Kontrolkirina Jîngehê di çarçoveya amadekariyên Cejna Qurbanê de dest bi xebatên xwe kir da ku welatî karibin di jîngeheke paqij de serdana gorên kesûkarên xwe bikin.

Ekîbên Midûriyeta Karên Tenduristiyê û Serokatiya Daîreya Park û Baxçeyan jî beşdarî xebatên li Goristana Yenîkoyê hatin destpêkirin bûn. Ekîban pûş û pelaxê li qada goristanê çinîn, rê paqij kirin û şûştin, gilêş kom kirin û çop bi wesayîtan birin qada çopê.

Hemû goristan dê bên paqijkirin

Ekîb piştî ku xebatên xwe yên li Goristana Yenîkoyê bi dawî kirin dê li Goristana Şehîdlik, Mêrdînkapi, Çiftehavuzlar, Alipinar û Goristana Qedîm a Suryaniyan xebatên paqijiyê bimeşînin.