Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî qezaya Silîva de muxtaran ra ameyî têhet û aşkera kerd ke mabenê 2 serrî de 2 hezar û 500 km rayîr bêro viraştiş.

Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu,esnaf, muxtar û hemwelatijan ra têhetamayişê xo domneno.Walî Guzelogluyî Silîva de ewilî esnafan ra badê zî muxtaran ra ameyî têhet.Kombîyayişo muxtaran Merkezê Kulturî ya Qeymeqamtîya Silîva de serrast bî û kombîyayiş rê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu, Qeymeqamê Silîvayî Mehmet Uslu, Hetkarê Walî û Midurê Pêroyî ya DÎSKÎyî Dr.Ahmet Naci Helvaci, Fermandarê Cendermeyî Tuggeneral Mustafa Erdem, Wekîlê Midurê Asayîşî Alper Guneş, Midurê Mintiqa 9.ine ya Rayîroşîya Okkeş Ceylan, Midurê Zîreto Bajarî Mustafa Ertan Atalar, Serekê Dayîreyanê Şaredarî û DÎSKÎyî, Fermandarê Cendermeyî Silîva Albay Fatih Yılmaz û muxtaran beşdar bîyî.Walî Guzelogluyî bi vîr vîst ke her Çarşeme qepsema Saetê Muxtaran di, muxtaran ra yeno têhet û badê wina dewom kerd:”Ma her Çarşeme muxtaran ra yênê têhet û ma goş danê derd û kulê muxtaranê xo.Ma zaneme ke binawanîye de tikê probleme ma estê, la ez tîya ra reyna vana emser 2 hezar û 500 kîlometre rayîr bêro viraştiş.Sewbînan problemanê awa şimitişî û kanalîzasyonî zî bêro çareserkerdiş.Ma gedeyanê xo ra soz dayebî û ma do her taxê rê parke kayî zî bivirazime.Heme îmkananê dewlete ma semedê xizmetê şarî bêro şuxulnayene.Bi qedêyayîşê awbenda Silîva, awe bêro cayêko 235 hezar hektarî.”

Badê qalîkerdişê Walî Guzelogluyî ra dima muxtaran problem û waştîşanê xo vatî.