Walî û Serekwekîlê Şaredarîya BajaRê Girdî ya Dîyarbekirî Hasan Basri Guzelogluyî, esnafanê sûke penîrroşan ra ameyî têhet û mijdan da ke Sûke Penîrroşêk modern bêro awankerdene.

Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî,esnafanê sûke penîrvanan a ke sembole bajarî yo qebûl kerd.Têhetamayişê Walî Guzelogluyî û esnafan,Salonê Hewselî ya Walîtîye de virazîya û têhetamayiş rê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu, Serekê DESOBê Alican Ebedinoglu, Serekê Dayîreyê Esnafan a Şaredarîya Girdî Hüseyin Paksoy, Midurê Mintiqaya Vaqifan Metin Evsen û esnafan beşdar bîyî.

Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî, têhetamayişê esnafanê penîrroşan vera keyfweşîyê xo ard ziwanê xo ser û qezencê xeyrîn waşt û dest pê qalîkerdişa xo kerd.Walî Guzelogluyî:”Mi bi destpêkî şaredartîye ra dima giranîya xo daye problemanê esnafan ser.O semed ma ewilî Serekîya Dayîreyê esnafan awan kerd ke probleme esnafan bê mîyançîyan bêro birese ma.Pêvînayişan û waştîşanê esnafanê ma ser o ma bire girewt ke sûke penîrroşêk moder awan bikerîme.Sûke newe ya penîrroşan gora şarê ma û bajarê ma bêro awankerdene.Sewbînan kesanê ke erînayişê penîran yenî tîya di bi rehetî bigêyre ma do otoparqêk zî awan bikerîme.Ma qepsema xebatan di bi Midurîya Vaqifan ra dest pê xebatan kerd.Ez nika keyfweşîye na mijdane şima ra pare kena û ma plan kenî ke demêko nêzdî de xebatan biqedêyo û sûke penîrroşan a newe bikuwe xizmetê şarê ma.”

Qalîkerdiş ra dima esnafanê sûke penîrroşan derheqê cayê sûke ya newe û kîradaran di pêşkeşêk kerdî.