Hemşaredarê Şaredarîya Amedî ya Şaristanê Girdî Dogan Hatun, semedê 10ê Çeleyî Roja Rojnamegeranê Kedekaran Komela Rojnamegeranê Dîcle Firatî (DFG) û Cemîyetê Rojnamegeranê Başûrrojhelatî (GGC) zîyaret kerd û kedekaranê çapemenîye reyde ame têhet.

Zîyaretî de hemşaredarê qezayan û Hemserekê Şaristanî yê DEM Partî beşdar bîyî.

Hemşaredarê Şaredarîya Amedî ya Şaristanê Girdî Dogan Hatunî ke bale ante muhîmîya rojnamegerîya azade û rastîye ser o, va; "Êyê ke nêwazenê şar rastîyan bimuso, kedekaranê çapemenîye kenê hedef. Şima vera heme tedayan zî kedêka pîroze danê ma sey îdareyanê herêmkîyan hetê şima de yê."