Hemşaredarê Şaredarîya Bajarê Girdî yê Amedî Dr.Adnan Selçuk Mizrakli,Mintiqaya Organîze Sanayî (OSB),Borsayê Bazirganîye (DTB) û Yewîya Odeyî Sinatkaran(DESOB) zîyaret kerd.

Hemşaredarê Şaredarîya Bajarê Girdî yê Amedî Dr.Adnan Selçuk Mizrakli,Serekê Dezgeyê OSBê Azîz Odabaşi,Serekê DTBê Engîn Yeşîl û Serekê DESOBê Alîcan Ebedînogluyî zîyaret kerd.Kombîyayîşê ke hetê OSB ameyo viraştene de xebatanê OSB,DESOB û DTByî ser o pêvînayiş virazîya û Serekê DTSOyî Mehmet Kaya,Şaredara Peyasî Kezîban Yilmaz,Hemşaredarê Sûrî Cemal Ozdemîr û Hemşaredarê Yenîşehrî Mehmet Devîren zî tewrê kombîyayîşî bîyî.

Hemşaredar Mizrakli verê OSByî zîyaret kerd û Serekê Dezgeyê OSBê Azîz Odabaşi şî verê Hemşaredar Mizrakliyî.Badê Şaredar Mizrakli vîyarte salona kombîyayîşî û uca de derheqê xebatanê OSBê de, salahîyatdaran ra agahî girewt û derheqê xebatan ser o pêvînayiş viraşt.

Ma do probleman pîya çareser bikerîme

Hemşaredar Mizrakli dîyar kerd ke ewilî çareserkerdîşê problemanê bajarî ê ameyî têhet û badê wîna va: “Berpirsîyarî weçînitan weçînitoxan ra estê.”Sewbînan Hemşaredar Mizrakli vîr vist ke Konseyê Bajarî zî aktîf bibo û bi taybetî aşkera kerd ke endî problemanê bajarê xo ma bi dezgeyanê sîvîlan û heme hemwelatijî xo ra pîya çareser bikerîme.