Hemşaredarê Şaredarîya Bajarê Girdî yê Amedî Dr. Adnan Selçuk Mizrakli,Serekîyî Dayîreyê Viraştîşê Rayîr û Koordînasyonê Binawanîyê û Xizmetanê Sosyalî wekenit û derheqê xebatanê serekîyan di zanayene girewt.

Hemşaredarê Şaredarîya Bajarê Girdî yê Amedî Dr. Adnan Selçuk Mizrakli,wekinitişî waranê şaredarîyê domneno.Hemşaredar Mizrakli Xebatanê ke Serekîya Dayîreyê Viraşitîşê Rayîran û Koordînasyonê Binawanîyê rayîro kehen a Berê Mêrdînî de virazenê wekenit û aşkera kerd ke hemwelatijan bi nê xebatan gemaran ra xelesîya.Hemşaredar Mizrakli dîyar kerd ke bi xebatanê qeplemayê sethî,xebatanê zergûnînan a çatre û refûjan zî do bêrê viraştene.Sewbînan Mizrakli uja de goşdarîya problem û waştîşanê hemwelatijan zî kerd.Badê Hemşaredar Mizrakli Parkê Birayîye û Meydana Bajarî ya ke Serekîya Dayîreyê Park û Baxçeyan ra giredayeyê wekenit û derheqê xebatan di zanayene girewt.Mizrakli aşkera kerd ke binateyî ke nîno şuxulnayene zî bi xebatanê temîrî bêrê newekerdene û seba ke gedeyan parkan û cayanê kaykerdîşî ra hênî zêde feyde bigîrê binê banê Serekîya Dayîreyê Xizmetanê Ciwan û Sporî ya Şaredarîya Girdî de zî tikê xebatan do bêrê viraştene.

Astengdaran rê xizmetê wesayîtî

Mizrakli pêynîyê de Merkezê Cuya Aktîf a kê Parkorman di xizmet dane wekenit û gedeyanê ke perwerde vînenê ra eleqeder bî.Hemşaredar Mizrakli goşdarîya problem û waştîşanê keyeyanê gedeyan kerd û aşkera kerd ke semedê gedeyanê astengdaran xizmetê wesayîtî bêro dayene.Gedeyan berhemên ke xo bi xo atolyayî de viraştibî,dîyarîyê Hemşaredar Mizrakliyî kerdê.