Hemşaredara Şaredarîya Amedî ya Bajarê Girdî Serra Bucak, Aşxaneyê Şarî zîyaret kerd.

Hemşaredare Serra Bucak, Aşxaneyê Şarî ke hetê Şaredarîya Bajarê Girdî ra ameyo akerdene û her roje hezar kesan rê cemêk werd dano, zîyaret kerd. Bucak şarî reyde qisey kerd û goşdarîya problem û waştişê înan kerdî.

Hemşaredare Bucak şarî reyde kewte rêze û werd girewt. Şarî, Hemşaredare Bucak rê seba aşxaneyî sipas kerd û waşt ke yê neweyî zî Amed de abîyî.

Zîyaretê Aşxaneyê Şarî de Hemşaredare Bucak reyde, Hetkara Sekreterê Pêroyî Zerin Turk, Sereka Daîreya Xizmetanê Cinî û Keyeyan Ozden Gurbuz Sumer û endamê meclîsî bîy.