Hemserekê Şaredarîya Bajarê Girdî yê Amedî Dr.Adnan Selçuk Mizrakli "Têhetamayîşê Muxtaran " a ke qepsema Kombîyayîşê Plansazîya Muxtaran a 2020-2024 de ame viraştene, beşdar bî û Hemserek Mizrakli" Ma heme weçînite yî o semed şarî rê berpirsîyarîyê ma estê.Ma seba ke berpirsîyarîyî xo bi raştî bîyarîme ca ganî ma mezge û cerbinayê yewbînan ra îstîfade bikerîme" vat.

"Têhetamayîşê Muxtaran " a ke qepsema Kombîyayîşê Plansazîya Muxtaran a 2020-2024 de ame viraştene,bi kombîyayîşo pêyen û bi tewrê muxtaranê Pîran,Henî û Gêlî qedîya.Kombîyayîş Merkezê Kultur û Kongreyî ya Şaredarîya Girdî de serrast bî û Hemserekê Şaredarîya Bajarê Girdî yê Amedî Dr.Adnan Selçuk Mizrakli,Hemserekê Şaredarîya Henîyî,Endamî Meclîsa Şaredarîya Girdî,Midurê Pêroyî ya DÎSKÎyî Zekî Kantaci,hetkaranê sekreterê pêroyî ya Şaredarîya Girdî û serekê dayîreyan tewrê kombîyayîşî bîyî.

Hemserek Mizrakli qalîkerdişêk viraşt û kombîyayîş dest pêkerd.Hemserek Mizrakli;Ma heme weçînite yî o semed şarî rê berpirsîyarîyê ma estê.Ma seba ke berpirsîyarîyî xo bi raştî bîyarîme ca ganî ma mezg û cerbinayê yewbînan ra îstîfade bikerîme.Tim bawerîya mi esta ke kesanê ke merkezê probleman de yo,ma ra zêde probleman vînenê û o semed ganî ma çareserkerdişê probleman de zî goşdarîya nê kesan bikerî"vat.

Têhetamayîşê weçînîtan zaf giring o

Hemserek Mizrakli vîr vîst ke prosesê 2 serrîyêk qayumî ra dima demêko newe bi weçînitan dest pêkerdo û badê qalîkerdişa xo wîna domna: "Na dema newe zî tikê dirbetinan girewt.Sîstemê dirbetin girewt.La hemverê nê dirbetan de têhetamayîşê weçînitan gora mi çîyêko zaf giring o.O semed inka ganî ma nêwajîme ke filankes no partîyê ra ameyo bevankes no partîyê tepişeno,ganî ma seba çareserkerdîşê probleman dest bideme yewbînan."

Semedê tekilîyêk bi tesîr muxtaran rê sîstemêko newe bêro awankerdene

Hemserek Mizrakli kîfş kerd ke hadreyînê semedê tekiliyêk bi tesîr muxtaran rê sîstemêko newe yeno viraştene û badê wîna dewom kerd;"Ma wazeme ke probleman rê çare bivînimê.No qepsam de zî berpirsîyarîyê ma zaf ê.Ma semedo ke no sîstem henî weş bişuxulne û geş bibe xebitiyenî û problemanê ke muxtaran resayî ma zî yenî qeyd kerdene."Hemserek Mizrakli teyna semedê probleman nêy semedê çareserkerdîşê probleman zî muxtaran ra pêşnîyazî waşt.

Ganî qapasîteya Bejayî zêde bibo

Hemserek Mizrakli vîr vîst ke bejayî de zîret se ra 23 o û badê wîna dewom kerd:"İnka bejayî de zîret se ra 23 o, no çîyêko muhîmo la bes nîyo.Ganî bejayî de zîret bêro zêdekerdene.Yane ganî qapasîteya bejayî zêde bibo,ganî qapasîteya sosyal zêde bibo.Ganî konforê cuyê seba cinîyan, seba gedeyan seba heme hemwelatijan zêde bibo.Nêke şima zî zanenê tol kerdişê bejayî çîyêko weş nîyo."

Qalîkerdişê Hemserek Mizrakliyî ra dima muxtaran qesey girewt û probleman ser o qalîkerd.Pêynîya kombîyayîşê de mabenê Hemserek Mizrakli,şaredarê qezayan, serekê dayreyan û muxtaran ra pêvînayiş virazîya.