Hemserekên Pêroyî yên HDPê Pervın Buldan û Sezaî Temellî zîyaretê Şaredarîya Bajarê Girdî yê Amedî kerd û hemşaredaran rê serkewtîşî waşt.

Hemserekên Pêroyî yên HDPê Pervın Buldan û Sezaî Temellî zîyaretê Şaredarîya Bajarê Girdî yê Amedî kerd û hemşaredaran rê serkewtîşî waşt.Hemşaredaran bi vilikan verê bere protokolê di şîyî verê Buldan û Temellîyî.Badê Hemşaredar Mizrakli îzeh kerd kê 1ê Nîsanê de şarê ma destûrname dayî ma.Mizrakli da zanayîş kê xeylê çîyên watişê estê labele ma fek ci ra verda ma do dest pê xebatanê xo bikerê û bi leze dest pê çarevînayîşê persivan bikerîme.

Mizrakli: 1 ton û 600 kg qedayîfa bi fistiq werîya

Hemşaredarê Şaredarîya Bajarê Girdî yê Amedî Adnan Selçuk Mizrakli bal ont kê zaf deynê şaredarîyê estê û bi fotraf û vîdeoyan talan û îsrafê bînan amey vînayene û bado wına dewom kerd:”Gure ma de qande muyêk îsraf çîno.Her çi aşkera beno û sey zerrîyê şima pak û pakij beno.Zafanê semedê mûxalîfan vanê kê wîna yo wîna yo ,keyfê mi nîno kê ez henî vaja .Ez ina rayan hes nêkena.Waxto kê roja xo bêro ez a bi qelem qelem binusna kê Sayiştay zı Wezaretê Malîye zî bêrê ma do bi delîl û belgeyan verdayîmê verê înan.La ez wazena kê çîyek bîn şima rê vaja înan 1 ton û 600 kg qadayifê bi fistik werdê.İna reqem zaf giringo.Bi seyan taximê fîncanan a zaf vayî ameyî girewtiş û nînan 92 henzar TLyo.Ez zı Komela Şarmaşik ra yena.Waxto kê mi ina reqeman eşnawit,ezmanên uca amey mi vîr.Çi kî ez zana ina reqeman tekabûlê çîyê kena.Bi ina pereyî werde taxêk û xidayê 460 ezmanî yenê viraştiş.

Ma do gora waştîşanê şarê xo bixebitîme

Mizrakli ard vîr kê 112 henzar TLye danê girewtîşê maseyan,ma eşkenê kê bi ina pereyî werde taxêkî û 560 ezmanê bivirazîm û bado wına dewom kerd:”Ma do xebatanê xo de vernîyê bideme persiv û waştîşanê feqîran.La tenya îxtîyacên ekonomîkî nêy ma do piştgirîyê bideme îxtîyacên kûltûrî,sosyalî û bawerîyî zı.Rêveberîya heremı ya ma do beno neynikê şarî û waştîşanê hemwelatîyon sero bixebitîme.

Ma do xebatan têreyde bivirazîm

Mizrakli îzeh kerd kê bi rêveberîya kehen sero zaf nêvindertîmê û bi leze dest pê xebatan bikerî.Mizrakli bado wına dewom kerd:”Ma endî semedê averberdîşê bajarî xo xebitiyenî û ma wazeme kê herinde talan û îsrafî pakbikerîme.Ma do hemû xebatanê xo şarê xo ra têreyde bivirazîm.Gure kê yenê viraştiş çiqas bibo xebatanê şarî çiqas bibo demokratîk oqas xêzin beno.Mizrakli semedê weçinitiş û ina wezîfeyî şarê Amedî rê spas kerd.

Badê Hemşaredar Mizrakliyî,Hemserekên Pêroyî Yê HDPê Pervın Buldan û Sezaî Temellî zı qiseykerdîşêk viraşt û hevalbendîyên xo nîşan dayî.