Hemşaredara Şaredarîya Amedî ya Şaristanê Girdî Serra Bucak, Baxçeyanê Hewselî û Newala Dîcle de ke Lîsteya Mîrasê Dinya ya UNESCO’yî de ca gênê, kontrolî kerdî û muhîmîya pawitişê herême dîyar kerd.

Hemşaredara Şaredarîya Şaristanê Girdî Serra Bucak, Baxçeyanê Hewselî de ke Lîsteya Mîrasê Dinya ya UNESCO’yî de ca gênê, kontrolî kerdî.

Bucak Newala Çemê Dîcle û Baxçeyanê Hewselî de fetelîya û muhîmîya pawitişê tebîetî ser o vinderte. Bucak waşt ke beşê eleqedarî xebate bikê seba ke Newala Dîcle û Baxçeyanê Hewselî halê xo yê tebîî de bêrê pawitene û rayîrê gêrayîşî bêrê viraştene, dorme pak bêro pawitene û seba ke sebze û fêkî ke rençberê Baxçeyanê Hewselî ramenê, rehet bêrê berdene.

'Ganî Baxçeyê Hewselî û Newala Dîcle bêrê pawitene'

Bucak dîyar kerd ke seba pawitişê Baxçeyanê Hewselî û Newala Dîcle û vernîgirewtişê kargehanê bêqeydî yê herême, ganî ekîbêko mobîl yê kontrolî bêro ronayene.

Hemşaredare Bucak, rençberanê Baxçeyanê Hewselî reyde qisey kerd û waştişê înan goşdarî kerdî.

Wextê kontrolanê Newala Dîcle û Baxçeyanê Hewselî de Hetkarê Serekterê Pêroyî Reşat Bakan û serekê daîreyan Hemşaredare Bucak reyde bîy.