Serekîya Dayîreyê Îtfaîyê ya Şaredarîya Bajarê Girdî yê Amedî, bi amayîşê aşmên amnonî verba serebûtên fetisîyayene lîste ya balantîş a 12 madeyin weşana.

Serekîya Dayîreyê Îtfaîyê ya Şaredarîya Bajarê Girdî yê Amedî, bi amayîşê aşmên amnonî verba serebûtên fetisîyayene lîste ya balantîş a 12 madeyin weşana.Ekîbên îtfaîyê wargehên dormê Çemê Dîcle de tabelayên “Dekewtene awe xeternak û qedexe yo” aliqna û sewbînan ekîban hemwelatîyon ra zî yew bi yew pêvînayiş kerd û şarî hîşyar kerd.

Serekê Dayîreyê Îtfaîyê ya Şaredarîya Bajarê Girdî yê Amedî Îbrahîm Hakki Bîlîcî beyanat di wîna va:”Zafanê serebûtên fetisîyayene ya mintiqayê ma qemasîyê balantîşê şarê ma û giringî nêdayîşê hîşyarîyan ra ver yenê bîyene.Bi germbîyayîşê hewayan şarê kê nêzdîyê behran di yan zî çem û golan di ronişenê,hêrişê nê cayon kenê.Kesên kê wazenê teyna hunik bibê la qemasîyên balantîşê û giringî nêdayîşê hîşyarîyan sero serebûtên fetisîyayene yenê bîyene.Gora îstatîstîkên fetisîyayaene se ra % 95 serebûtên fetisîyayene qemasîyên balantîşê û giringî nêdayîşê hîşyarîyan beno.Semedê serebûtên fetisîyayene ganî hemwelatîyon bala xo bidê nê 12 qayde.Cayanê kê şima nêzanî teyna asnawe mêkerî,awa ke binê ci nêzanî xo piro nêcena,asnawberîyên xo îspat mêkerî,cayanê dûrî de asnawe mêkerî,nivînê behrê rê bawerî mêkerî,şima dema kê teyna asnawe kenê,baldarê motorê lezî bibên,eke şima tekna şuxulnenî êlegê xelesnayîşêganî danê xo ro,semedê yaranîyê zî bibo qed kesî kut awe mêkerî,şima dema ke asnawe kenê eke tikê zî xo weş hîs nêkerd awe ra vejê,şima kesên kê fetisîyenî dî eke no derheq de tecrube şima çîno mudaxale mekerî, çi kî kesanê kê fetisîyenî semedê xelesîyayîşî şima zî anceno mîyanê awe.