Temsîlkaranê Partîyê Kurdan a kê weçinitişê pêyen de HDP ra îttîfak kerdî bî pê Parlementerê HDP yên Musa Farısogullari û Îmam Taşçier ra pîya Hemşaredarê Şaredarîya Bajarê Girdî yê Amedî Adnan Selçuk Mizrakliyî zîyaret kerd û serkewtîşê ey waşt.

Temsîlkaranê Partîyê Kurdan a Platformê Demokratên Kurdîstanî (PDK),Tevgerê Azadî,Partîyê Merdim û Azadîye(KDP-T)û Komelayên Kurd Demokratê weçinitişê pêyen de HDP ra îttîfak kerdî bî û temsîlkaranê partî û komelayan Hemşaredar Adnan Selçuk Mizrakliyî serkewtîşê kê weçinitiş de mojnayî ra ver zîyaret kerd û serkewtîşê ey waşt.

Ma persivan pîya kenê asan

Zîyaretê kê çapemî zı beşdar bî Adnan Selçuk Mizrakli dekewtîşê protokole de şî verê heyete û îzeh kerd kê şaredarî cayanê kûrokratîk nêy keyeyê şarî yo.Mizrakli bado wına dewom kerd:”Ma wazeme kê demokrasîyêko xêz û semedo her kesî demokrasîyêko girs vejîme meydan.Ma tecrubeyêko dej ra dima ameyî tîya.Ma sewbîn dejan û anasarîyan ra dima teyna xidarîyan oncenê.La ma çarevînayîşê nê persivan zı zanenê.Berpirsîyarîyê ma yo tewr giring uyo ke ma qemasî û persivên şarê xo rê çarebivînîme.”

Ma destdur nêdana îsrafê

Mizrakli îzeh kerd kê demêko ameyî wezîfe ra dima destdur nêdana îsrafê û ma yê warîdatên şaredarîyê bi awandegî he kesî rê barebikeme.Mizrakli bado wına dewom kerd:”Ma zanenê kê bi vîyarte çîyêk nêbeno ma inka teyna wazeme kê destpê xizmetanê kê herey mende bikeme.Ma endî gora waştîş û persivên şarê xo xebitiyenî

Mizrakli ra dima Parlementerê HDP ye Dıyarbekırî Îmam Taşçier îzeh kerd kê ina weçinitiş de zı kurdan serkewtîşêko weş mojna.Taşçier bal ont kê ina serkewtîş bi pîyatî bî û bado wına dewom kerd:”İn ara dima çîyêko tewr giring uyo kê ina îttîfak dewom biiker.Ma pîya eşkenê kê herçîyî ra başbikeme.”

Serekê Pêroyî yê PDKTê Mehmet Emin Kardaş îzeh kerd kê armancê îttîfakî ya yewîn vîya şarî peyser girewtişê û bado wına dewom kerd:”Ma weçinitişê îttîfaqe kerd û ma serkewte zı bî.Ma inka serkewteyên tewr weş rê dest bideme.”

Pêvînayiş de Serekê Pêroyî yê OSPê Sınan Çıftyurek awanîyê demokrasîyê tever semedê ma zaf giringo vat û wına dewom kerd:”Qiraranê şaredarîyê pê muşterekî şarî rê bêrê girewtene.”