Wezareta Navxweyî bi mebesta rêlibergirtina qezayên trafîkê kampanyaya “Em Nobedarê ewlehiya peyayan in” da destpêkirin, Walî û Cîgirê Şaredar Hasan Basrî Guzeloglu beşdarî vê kampanyayê bû.

Wezareta Navxweyî, li 81 bajaran bi hevwextî kampanyaya “Em Nobedarê Ewlehiya Peyayan in” da destpêkirin. Bo piştgiriya kampanyayê li Deriyê Çiyê helkeftek li dar ket, Walî Hasan Basrî Guzeloglu ligel Midûrê Asayîşa Bajêr Şukru Yaman, Fermandarê Alayê Tuxgeneral Mustafa Erdem, endamên Jûra Şofêr û Otomobîlvanan, serekên koperatîfên komsiwariyê û xwendekar beşdarî kampanyayê bûn.

Di bernameyê de xwendekaran dowîz hildan, li ser dowîzan, “Tu jî yek ji peyayan î”, “Şofêr xelek diajo qerta sor bidinê”, “gavana pêşîn bo jiyanê”, “di vê rê de em tev bi hev re ne”, “baldar here jiyanê bijêre” û “pêşî peya, pêşî jiyan” nivîsandibû.

Derheqê vê kampanyayê de Walî Guzeloglu aşkere kir ku ew ê li 130 niqteyan hezar polîsên trafîkê bi mebesta ewlehiya canê peya û mirovan wezîfedar bikin. Di daxuyaniyê de hate gotin, mebest ji vê pêngavê ew e, can û malê xelkê were parastin û rê li ber qezayên trafîkê were girtin.