Şaredarîya Bajarê Girdî yê Amedî bi qedîyayîşê dema perwerdeyîyê semedê gedeyanê dezavantajînan Kampê Hamnanî ya Gedeyan serrast keno.

Serekîya Dayîreyê Xizmetanê Ciwan û Sporî ya Şaredarîya Girdî bi qedîyayîşê dema perwerdeyîyê semedê gedeyanê dezavantajînan ke nêşkenê tehtîl bikerê,bê pere qezaya Madenî ya Xarpêtî de beldeyê Gezînî de Kampê Hamnanî ya Gedeyan serrast keno.Gedeyanê mabenê 9-14 serrî yê eşkenê bi keyeyanê xo dir bêrê Cuya Muşterek a Sumerparqî de qeydê xo bivirazî.

Gedeyon do 6 rojî tehtîl bikerê

Kamp Qezaya Madenî ya Xarpêtî ,Dezgeyanê Sosyalî ya Şaredarîyê de bêro viraştenê û meymananê verên ya kampê 1ê Temmuze de bêrê.Pêroyî de 8 grûbê gedeyan no kampê ra feyde bigîrê û her grûbê de zî 90 kesî estê.

Şaredarîya Bajarê Girdî yê Amedî gedeyanê kê bêrê kampê rê her çiyî zî bê pere do vila bikero û rojî de 4 reyî zî werde bêrê vilakerdene.Nêzdîyê 720 gedeyî no kampê rê feyde bigîrê û bi atolye û çalakîyan zî resnayîşê xo xêz bikerê.Gedeyan qepsema çalakîyanê sporî de saetanê belî de asnawe,fitbol,basketbol,satranç û voleybol zî kay bikerê.Kamp di ekîbanê şaredarîyê bi di grûbî kesanê kê zanenê asnawe bikerê yan zî nêzanenê,bi miqateyê pîsporan di asnawe bimusnê.Kamp do bi şewe wedayî biqedîyo.