Kombîyayîşê Pêroyî yê Adetî yo 32. yê Konseya Şaristanê Amedî, bi serekîya Hemşaredaranê Amedî Serra Bucak û Dogan Hatunî bi rojeva "Baxçeyê Hewselî û Pirdo Desberin" Merkezê Kongre û Kulturî yê Çand Amedî de ame viraştene.

Hemşaredara Şarededarîya Amedî ya Şaristanê Girdî Serra Bucak ke qiseyê akerdişî yê kombîyayîşê pêroyî kerd, wina va: "Ma wazenê nê şaristanî de meseleya Baxçeyanê Hewselî û Pirdê Desberinî de aqilêko hempar peyda bikê. Ma wazenê bê teberkerdişê kesî, bi pawitişê heqê herkesî, pîya qisey bikerê û pîya çare bivînê."

Hemşaredarê Şarededarîya Amedî ya Şaristanê Girdî Dogan Hatunî ke îfade kerd ke amanco bingeyin ê kombîyayîşê ewroyî berhemardişê çareyî yo, va: "Wa esnafê ma qisey bikerê, wa sazgehê ma çarçewaya Mîrasê Dinya ya UNESCO'yî de nirxnayîşê xo bikerê û ma pîya çareyêk bivînê."