‘Keyeyê Mola û Miqateyê Biroj’ ke hetê Şaredarîya Amedî ya Şaristanê Girdî ra taxanê Şehîtlîk a Yenîşehîrî û Huzurevlerî ya Kayapinarî de ameyî viraştene, cuya gedeyanê taybeta û yê may û pîyê înan asan kenê.

Serekîya Daîreya Xîzmetê Sosyalî seba gedeyanê ke hewcedarîya înan a taybete est a û kesê ke timûtim hewcedarîya înan bi miqateyî est a, barê may û pîyê înan kêmî biko û ê bieşkîyê karê xo yê rojaneyî bikê, Keyeyê Mola û Miqateyê Biroj akerdî û 309 kesan rê xîzmet dana.

Şehîtlîkê Yenîşehîrî û Huzurevlerîyê Kayapinarî de may û pî birehetî bieşkîyê gedeyanê xo yê taybetan uca de verdê û karê xo yê rojaneyî bikê. Keyeyê mola îmkan danê ke gedeyî bikeyfweşî û aramî wextê xo bivîyarnê.

Odayê kay û perwerdeyî

Keyeyanê mola de seba ke gedeyî bieşkîyê egzersîzanê xo yê rojane bikê, salona sporî, hacetê muzîkî û sewbîna seba ke hetê qiseykerdişî ra xo aver berê 6 odayê kay û perwerdeyî est ê.

Keyeyê mola de gedeyê taybetî şênê bêpere tira îstîfade bikê, hem seba gedeyan hem zî may û pîyê înan psîkologê pisporî est ê.

Kam şêno Keyeyanê Mola ra îstîfade biko?

Keyeyanê mola ra; kesê ke tay û nême astengdar ê, mabênê %40 û %80î de raporê înan ê astendarîye est o û girêdayîyê cile nîyê, 36 aşmeyî ra pîlêr, emrê verdibistan û dibistan û ciwan û yê bînî zî şnê tira îftîfade bikê.

Merkezê ma mabênê saetan 08.00 û 17.00î ra de xîzmet dano. Kesê ke wazenê qeydê xo bikê, bi raporê heyetî û fotokopîyê nasnameyî şênê muracatê xo bikê.

May û pî seba ke Keyeyanê Mola ra xîzmet bigîrê, ALO153î ra randevu bigîrê û eke biwazê xîzmetê servîsî ra îstîfade bikê, tewr erey nêm saetan ra dima wasitaya ma ya taybete yena înan keye ra gêna û dima keye de zî ronena.