Şaredarîya Bajarê Girdî yê Amedî semedê ke problemanê şarî bi pêvînayiş û goşdarîyan çareser bikerî kombîyayîşanê stratejîk virazeno.Kombîyayîşê Plansazîyo Stratejîk a 2020-2024ê bi muxtaranê Licê,Pasûr û Hezroyî ra domneno.

Şaredarîya Bajarê Girdî yê Amedî semedê ke problemanê şarî bi pêvînayiş û goşdarîyan çareser bikerî kombîyayîşanê stratejîk virazeno.Kombîyayîşê Plansazîyo Stratejîk a 2020-2024ê bi muxtaranê Licê,Pasûr û Hezroyî ra domneno.Kombîyayîş bi tewrê Hemşaredarê Şaredarîya Bajarê Girdî yê Amedî Dr.Adnan Selçuk Mizrakliyî,hemşaredarî Licê,Pasûr û Hezroyî,endamî meclîso şaredarîyê,Midurê Pêroyî ya DÎSKÎyî,serekî dayîreyan ,Merkezê Kultur û Kongreyî de dest pêkerd.

“Muxtarî palike demokrasîyî yo”

Hemşaredarê Şaredarîya Bajarê Girdî yê Amedî Dr.Adnan Selçûk Mizrakli dîyar kerd ke Şaredarî 15-20 serrîyo ke têhetamayîşî wînasî serrast keno û armancê nê têhetamayîşan çareserkerdîşê probleman o.Hemşaredar Mizrakli aşkera kerd ke muxtarî temsîlkarîya demokrasîyî de palike û badê wîna dewom kerd; “Muxtaran resayîşê ma yo ke heme dew û taxan di rolêko giring der î.Ma car caran konsûltasyonî virazenî la şima bipersê ke wayîrê nê wazîfeyan kam î bêguman wayîrê karan muxtaranê ma yo.”

“Konseyê Bajarî de temsîlîyetê muxtaran”

Hemşaredar Mizrakli vîr vîst ke Konseyê Bajarî reyna dest bi xebate kerde û va:”Ez bawera ke şima ra tayînê tewrê Konseyê Bajarî zî bîyo.La semedê temsîlîya muxtarana ke mabenê Konseyê Bajarî de bibo ganî şima zî mabenê xo de weçînitîşêko bikerî.Bi no qeydeyî temsîlîye muxtaran zî tewr gêş bibo.Xebitnayîşê no sîsteme teyna gurê ma nîyê gurê şima yî zî.

Hemşaredar Mizrakli muxtaranê cinîyan vera keyfweşîyê xo ard ziwanê xo ser û va:”Ez inka nîadana ke omarê merdiman no salone de cinîyan ra zêde yo.Heqîqat û raştîye şarî encax bi zedînayîşê temsîlîyete cinîyan beno, bawerîya mi u yo.Ez hevî kena ke mabenê muxtaran de zî hemmuxtarî bêro henî weş bibo.”

Raygehê çareserîye yeno awankerdene

Hemşaredar Mizrakli aşkera kerd kê çalakîyan de do herkeşî qisey bikerî û semedê çareserkerdîşê probleman pêşnîyazîyî bikerî.Kombîyayîşan ra dima babete probleman yew bi yew bêrî wekenetene.

Qalîkerdişê Hemşaredar Mizrakliyî ra dima hemşaredarî Lice, Pasûr û Hezroyî zî qisey girewt û problemanê resayiş,awa şimitişî,kanalîzasyon , zîret û heywandarîye ardî ziwan û nê probleman ser o pêvînayiş virazîya.