Şaredarîya Bajarê Girdî yê Dıyarbekîrî bi serekîya Hemşaredar Adnan Selçuk Mizrakliyî kombîyayîşo meslîcê verîn viraşt.

Şaredarîya Bajarê Girdî yê Dıyarbekîrî weçinitiş ra pey bi serekîya Hemşaredar Adnan Selçuk Mizrakliyî kombîyayîşo meslîcê verîn viraşt.Bi akerdîşê kombîyayîşê ra dima Hemşaredar Adnan Selçuk Mizrakli qiseykerdîşêk viraş û va:Zafîyê meclîsê ma ciwanan ra yenê têhet û ma zaf keyfweşî.Ez endamên meclîsî rê serkewtîşî wazena.

Mizrakli deheqê weçinitişê pêyen de zı qalîkerd û bal ont kê weçinitişê pêyen atmosferêko zaf cîyayî de virazîya û bado wına dewom kerd:”Dema weçinitiş de Amed de çîyêk zaf eyb amê werte û bi taybetî ina eyb bi marîfetê YSK yî Baxlarî de ame werte kê zerrîyê ma ina eyb qebûl nêkeno. Ma eke çarçiwaye huquqî de biewnîme zı wa çîyêk raşt nîyo.Mizrakli bal ont kê dema qeyûmî zı hetê keşî ra qebûl nedî û îzeh kerd kê ma endî nê xeletîyan verdanê cayêk û ma dest pê xizmetanê xo kenê.

Mizrakli :Ma do birên bajarî şarê xo ra bigirîmê

Mizrakli derheqê xebatanê û meclîso newe de zı zanayîş da û bado wına dewom kerd:”Zafîya meclîsî seba ma zaf çîyêk dewlemendo.İna dewlemendî xebatanê ma de xêz danê ma.Ma ewilî wazeme kê konseyê bajarî reyna bikuwe falîyet.Ma birenî xo de teyna bi fikranê xo nêy bi fikranê dezgeyanê sîvîlan,mixtaran,odeyê meslegan ra pîya qerar bigirîme.Mecîsê ma de fikranê herkesî ca bigirê.”

Mizrakli:Armanca ma yo yewin waştîşanê şarî yo

Mizrakli îzeh kerd kê ma gora resayîş,vurîyayîş û kulturê bajarî xo bixebitîyme.Semedo kê Amed de her kes ciwîyayîş ra şa bibo û semedo Kê ma bajarê xo bikeme bajarêko rindek ma xebatanê tewr weş bîyarîmê bajarê xo.Ma teyna bi sermayegozarîyê binewanî û serawanî nê ma şaredartîya sosyalî zı gora waştîşanê şarê xo bivirazîm.

Mizrakli:İna bajar bajarê vîr û evînê yo

Mizrakli aşkera kerd kê ina meclîs meclîsêko ciwanê û sey bajarê ma pêro komên etnîkî estê.Mizrakli bado wına dewom kerd:”Meclîsê newe de vîrê Amedî esto û gere Amed bi bajarê vîr û evînê bêrê zanayiş û evînê ma zı Amedê û ma do bi giredayeyê evînê xo ra bixebitîme.”

Qiseykerdîşê Mizrakliyî ra pey endamên meclîsî zı qisey girewt û pêşnîyazên xo vat.Kombîyayîşo meclîsê vêrînê ya Şaredarîya Bajarê Girdî yê Amedî bi weçinitişê serekwekîlên 1îne û 2îne,Nuştoxê Meclîsî û Endamên Yêdek qedîya.