Hemşaredarê Şaredarîya Bajarê Girdî yê Amedî Dr. Adnan Selçuk Mizrakli,Serekê Komela Mermerdar û Madendaranê Amedî Zekî Tutalî û Endamî Rêveberîyê qebûl kerd.

Serekê Komela Mermerdar û Madendaranê (DÎMAD) Amedî Zekî Tutalî û Endamî Rêveberîyê Hemşaredarê Şaredarîya Bajarê Girdî yê Amedî Dr. Adnan Selçuk Mizrakliyî zîyaret kerd.Hemşaredar Mizrakli seba zîyarete Serek Tutalî û endamî rêveberîyê spas kerd.

Mizrakli aşkera kerd kê şar demêko zaf xidar ra derbas bî,la nê xidarîyan ra dima şarî pê vîyanêko gird şaredarîyî xo girewt.Mizrakli badê wîna dewom kerd:”Ma ganî sozê kê ma dayî şarê xo bîyarîme ca.Eke kesanê bîn saetêko xebitiyenî,ganî ma di saet bixebitî.Demanê wînasî xidar ra dima komel kuweno demêko xo newekerdiş ê.Komelî ra pîya dezgehî zî kuweno demêko newekerdişî.Eke ma nê newekerdişî de raybêrîyêk çiqas weş bikerî ma o qas bi leze xo kenî weş.”