Hemserekê Şaredarîya Bajarê Girdî yê Amedî Dr.Adnan Selçuk Mizrakli,Endamî Komela Rojnamegeran a Başûrê Rojhelatî kerd meyman û “Meqamê huqmî ya tewr giring şarê ma yo” va.

Serekê Komela Rojnamegeran a Başûrê Rojhelatî(GGC) Veysî Îpek û endamanê komelayî,Hemşaredarê Şaredarîya Bajarê Girdî yê Amedî Dr.Adnan Selçuk Mizrakliyî zîyaret kerdê û derheqê problem û çarevînayîşê probleman di pêvînayiş kerdî.

Hemserek Mizrakli bal ont giringîyê yewî û pîyatî ser o û “Têhetamayiş çîyêko zaf giring o.Demanê kehen de ma serebûtî zaf krîtîk de amêyî têhet,ma pîya suhbet kerd û ma soz da yewbînî û ma pîya hêvî kerd.Ma nê serebûtan zî pîya vejîyayî.Êdî dema xebitîyayîşî yo.Ma ganî pê ruhê seferberîye problem û waştîşanê şarê xo ra cuab bideme.Ma do uca de ge gane rixneyî weş ge gane zî rixneyî nêweş bigîrîme.Ma zanenê,kerema xo ra qemasîyî ma ma rê vajî,ma zî nê qemasîya çareser bikerîme. Meqamê huqmî ya tewr giring şarê ma yo.No prosesê de pêvînayişî kesanê ke problemanê şarî ra meşxulê ma do henî hêzdar bikerî” vat

Serekê GGCyî Veysî Îpek zî “Nuqteyî raştîye komelî de ge gane rixneyî ma zî bibo.Ma hêvî kenê ke her çi semed Amedî weş bo.Ma do hem piştgirî hem zî rixneyî xo şima ra pare bikeme” vat.