Komîsyonê Tespîtê Şaredarîya Şaristanê Girdî şewatê qezaya Çinar û Şemrexî de herême de etudê xo qedênayî.

Serekîya Daîreya Îtfaîye, şewato ke mabênê qezayanê Çinar û Şemrexî de vejîyaybî û 15 kesan dinyaya xo bedilnaybî, seba ke şewatî ser o cigêrayîş û tespîtan bikê bi 6 kesan komîsyonêk awan kerd.

Herêma şewatî de 3 rojî etudî

Mudirê Şubeya Îtfaîyeyî Selehattîn Zenger, Amîrê Perwerdeyê Îtfaîye Îhsan Gezer û amîranê îtfaîye ra Seyfettîn Salci û Hasan Ugurlu, Serekîya Daîreya Weşîye ra Baytar Hekîm Hasan Korkmaz û Serekîya Daîreya Park û Baxçeyan ra Muhendisê Zîreetî Îlhan Başol komîsyonî de ca gênê. Komîsyon 3 rojî herême de etudî kerdî.

Herêma ke tede şewat vejîyaybî, komîsyon raporê xo yê tespîtî do ameyoxî de raya pêroyî reyde pare biko.