Bi mêvandariya Şaredariya Bajarê Mezin a Amedê û Şaredariya Kayapinarê, Koma Amed dê 1'ê Mijdarê li Amedê konserekê bide.

Konsera Koma Amed, bi mêvandariya Sertokatiya Daîreya Çand û Karên Civakî ya Şaredariya Bajarê Mezin a Amedê û Şaredariya Kayapinarê, dê di 1'ê Mijdarê de, saet di 19.00'an de, li Parka Newrozê bê lidarxistin û bêpere ye.

Tê çaverêkirin ku konsera ewil a komê piştî 30 salan, ji bilî Amedê, ji bajar û navçeyên derdorê jî gelek beşdarî lê çêbibe. Koma Amed, di salên 1990'an de bi şîroveya xwe ya nû ya li ser muzîka Kurdî di nav xwendekarên zanîngehê de gelek populer bûbû.