Koordînasyonê Kontrolê Weşîye ke bi pêşengîya Şaredarîya Amedî ya Şaristanê Girdî ameyo awankerdene, kombîyayîşê xo yo dîyin viraşt û tayê qerarî girewtî.

Koordînasyonê Kontrolê Weşîye ke bi pêşengîya Serekîya Daîreya Weşîye ya Şaredarîya Şaristanê Girdî ameyo awankerdene û Mudirîya Bajarî ya Derûdor, Şaristanî û Vurîyayîşê Hewayî, Mudirîya Bajarî yê Weşîye, Mudirîya Bajarî yê Ziraetî û Şaredarîya Baglarî tede ca gênê, kombîyayîşê xo yo dîyin organîze kerd. Kombîyayîşî de, temsîlkarê sazgehan beşdar bîy.

Gamê ke do bêrê eştene, înan ser o qisey bî

Kombîyayîşo ke Serekê Daîreya Weşîye Wehap Saçaklî îdare kerd, tede seba vernîgirewtişê ziraranê ke çewlikê heywanan ê Herêma Pîşesazîya Organîzeya Besî, tesîsê entegreyî yê goştê xisusî yê ser rayîrê Mêrdînî û şîrketê enerjîya bîogazî danê xoza û weşîya merdiman, gamê ke do bêrê eştene, înan er o qisey bî. Cira zêde, seba kargeh û tesîsanê ke xeta înan ameya tesbîtkerdene, derheqê destpêkerdişê prosesan de ke qanûnan nîşan danê, qerar ame girewtene.

Goreyê qerarî ke ame girewtene, ekîbê ke her yew ra di kesî yê û do hemkaran ra pê bêrê, do Herêma Pîşesazîya Organîzeya Besî demê dîyarkerdeyî de kontrol bikerê û babeta girewtişê tedbîranê laziman de do wayîrê kargehan îqaz bikerê. Seba kargeh û tesîsanê ke goş nênanê îqazan, prosesê ke qanûnan nîşan danê, do bêrê tetbîqkerdene.

Kontrolî do bêrê kerdene

Komîsyonê Kontrolê Weşîye, Aşma Êlule de her 15 rojan de reyêk kargeh û tesîsan de qerarê kontrolkerdişî girewt.