Şaredarîya Amedî ya Bajarê Girdî, seba ke wendekarî weş biwerê û biresê xidayanê weşan, kontrolê kantînanê wendegehan dewam kena.

Ekîbê Kontrolê Xidayan yê Serekîya Daîreya Karê Weşîye, kantînanê wendegeyan de kontrolê pakî û xidayan kerd. Gama ke wayîrê kantînan derheqê xidayan de ke ganî nêrê rotene, ameyî agahdarkerdene, qeydeyê ke ganî bêrê şuxulnayene zî ameyî vîrardene.

Armanc o yo ke wendekarî adetê werdê biweşîye bigîrê

Bi kontrolan, armanc o yo ke wendekarî adetê werdê biweşîye bigîrê û vernîya nêweşîyanê ke werdî ra yenê bêro girewtene.

Kontrolan de, kantînê ke kêmanîyê înan ameyê tespîtkerdene, eke nê kêmanî nêrê raştkerdene, muameleyê qanûnî yenê tetbîqkerdene.

Koordinasyonê Kontrolê Xidayan ra qezayan de kontrol

Yewîneya Xidayan a Serekîya Daîreya Karê Weşîye û şaredarîyanê qezayan ra Koordinasyonê Kontrolê Xidayan zî, seba ke wendekarî biresê werdanê weşan, kantînanê wendegehanê qezayan de kontrolan dewam kenê.

Şaredarîya Bajarê Girdî, demê perwerde û musayîşî de kontrolan dewam kena.