14 gedeyî ra 12 hebê ke kursanê şaredarî ra îstîfade kerdbi cîya-cîya unîversîteyan de beşa konservatuarê qezenç kerdî.

Şaredarîya Bajarê Girdî ya Dîyarbekirî semedo ke gedeyî biresê xeyalanê xo xebatanê xo domneno.

Konservatuarê bajarî ya Serekîya Dayîreyê Karanê Sosyal û Kulturî ya Şaredarî semedê gedeyanê ke wezenê beşa muzîkî di biwanê kursê bê pere akerdbi 14 gedeyî ra 12 hebê înan cîya-cîya unîversîteyan de beşa konservatuarê qezenç kerd.

14 gedeyê ke nêzdîye 3 aşmî yo kursê konservatuarî de ked wenê, kewt îmtîhanê qabîlîyeto taybet yê unîversîteyan û 12 gedeyî cîya-cîya unîversîteyan di beşa muzîkî qezenç kerdê.

Ceyda Ilışıksıze ke beşa Mamostayîya Muzîkî yê Unıversîteya Xazî qezenç kerda û piyano çinena da zanayene ke konserêk de goşdarîya pîyanîsto ke rûs kerdo û meraqê ci kewta zereyê aye.

Ilışıksıze aşkera kerd ke saya perwerdekarê kursê şaredarî beşa muzîkî qezenç kerda.

Ez wazena biba akademisyen

Ramazan Kaymazo ke 24 serrî de yo û Beşa Mamosteyîya MuzîKî yê Unîversîteya Nevşehrî qezenç kerdo, vina vat : “ Mi hetêk ra kar û gurê xo domna hetêk ra zî seba îmtîhanê qabîlîyeto taybet pê kursanê şaredarî hadrey3ıne xo kerd. Demêko zaf xidar bî.Mi saya kursê şaredarî de unîversîte qezenç kerd. Ê tim kişta ma de bî. Ez ewilî wazena beşa xo qedîna û bade biba akademisyen.”

Perwedekar Veysel Kapçayî zî da zanayene ke gedeyî 3 aşmî qûqal perwerde girewtê û bade wina vat : Wendekarê ma unîversîteyê Xazî, Nevşehır,Şirnax û Osmanîyeyî qezenç kerd. Ma heme mintiqayan rê vila bî.Ma ciwanan reyde rojane 3 saet ders kerde. Ma seba gedeyan programê kampî viraşt. Heme gedeyê ma zî tewrê dersan bîy. Ê ked werd û qezenç kerde. Kursanê ma do dewom bikero. Ma do pêynîya aşma Elule de reyna kurs abikerî.Kursanê ma bê pere yî û ma wendekaran pawenî.

Şaredarîya Girdî çalakîyêk serrast kerd û gedeyê ke ûnîversîte qezeç kerdbi ard Têhet.

Gedeyî çalaki de enstrumanê xo çinitê û mirda xo keyf kerdî.

Serekîya Dayîreyê Karanê Sosyal û kulturî ya şaredarî pêynîya çalaki de perwerdekaran rê plaket wendekaran rê zî belgeye tewrbîyayişî û kitabe ke derheqê tarîx û kulturê bajarî ma de nusîyayo vila kerd.