Şaredarîya Bajarê Girdî yê Dîyarbekirî semedo ke merdimanê tecrubeyînan biresno û înan bikero wayîrê karî bi kursan piştgirîye dano hemwelatijan.

Serekîya Dayîreyê Xizmetanê Sosyal ya Şaredarîya Girdî qepsema Kursê Musayîşê Mesleg û Hunerî(DÎSMEK) de semedo ke merdimanê tecrubeyînan biresno û înan bikero wayîrê karî, bine banê ÎŞKURî de kursê çulagîye birîsim akerdîbî.Kursîyeran kursê çulagîye de heme çîyanê çulagîye birisim musenê.

Perwerdeyê culagîye mabenê hewte de rojanê 6 saet Cuya Muşterek a Sumerparqê de yeno dayene.Perwerdekaran derheqê hacete çulagîye de zî agahî danê kursîyeran û pêroyî de 12 kursîyer perwerdeyê çulagîye gênê.Wendekaran kursê çulagîye de şale birisim îstîhsal kenê.

Kursê culagîye aşma Kanûne de biqedêyo.Kursîyeran rê hetê ÎŞKURî ra rojane 35 TL pere dîyeno û sîgortayê înan yena viraştiş.Eke kursîyeran kursê xo bi serkwewte qedîna,sertîfîkayê ke hetê Wezaretê Perwerdeyî yê Mîllî(MEB) ra testîqkerdî ya dîyena înan.Eke kursîyeran kursê xo bi hawayo serkewte qedîna eşkenê xo rê gure peyda bikerê.