Walîyê Dîyarbekirî Munır Karaloglu beşdarê merasime akerdişê stadyumê Gêlî bîyî.

Walî Karaloglu: “Emser do bajarê ma hetê spor û xizmetanê ciwanan de cayêko weş de ca bigîro. Ma endî nêwazenî ke verekê Dîcle bêrê îstîsmarkerdiş. “

Walî Munır Karaloglu akerdişê Stadyumê Gêlî viraşt.

Serekîya Rêxistinê Spor Toto ya Wezaretê Ciwan û Sporî û Şaredarîya Bajarê Girdî ya Dîyarbekirî 21ê Teşrîne serra 2020 de potokolê sermayegozarî viraştbi û çarçiwa protokolê di qezayê Gêlê awankerdişê stadyumê ameybi dest pêkerdiş.

Çarçiwa protokole de qezaya Gêlî de 10 hezar metrekare ca ser o stad ame awankerdiş. Stadê qezayî de 98×68 metre sehaya xalî ya sentetîke ,odeyê cilxoravetişî, trîbuna 544 kes qapasîteyin, wc û kafeterya virazîya.

Karalogluyî qalîkerdişê xo de da zanayene ke Gêl hetê xoza û tarixî cayêko zaf taybet o.

Walî Karalogluyî îzeh kerd ke bajarê ma rê qezaya Gêlî ver vajîyenê “Bajarê Pêxemberan” û goristanê pêxemberanê ke qezaya Gêlî de ca gêno, nameyê înan Kuran-î Qerîmî de zî derbas benê.

Karalogluyî wina vat : “Gêl hem hetê xoza hem hetê manewîyatî cayêko zaf girîng o û demanê pêyenan de pê xebatanê midurîya mintiqa,Şaredarîya Gêlî û Şaredarîya Girdî bedilîya cayêko hîna weş.Demêko zaf kilm de nê xebatan virazîya.Qey ? Çimkî ekîbê ma pê îhtîsas û samîmîyet xebetiyenî. Anqara de hukumetê ma estê. Selahîyetdaranê ma semedê hemwelatijan û seba rizayê Homayî xebetiyenî.”

Semedê ciwanan cayê ma estê

Karalogluyî da zanayene ke 5 serrîyo pêyeno ke Dîyarbekir de asayiş û bawerî ameyo awankerdiş. Karalogluyî wina vat : “Ciwanê ma seba ma zaf girîng ê. 20 serrîyo pêyen o ke Wezaretê Ciwan û Sporî bedilîya Wezaretê Xizmetanê Ciwanan. Semedê ke ciwanan wextê xo weş biveynê zaf cayê spor û kulturî estê.”

“Emser Dîyarbekir hetê spor û ciwanî de cayêko hîna weş de bo”

Karalogluyî da zanayene ke Şareadrîya Girdî semedo ke paştî bide ciwanan hetêk ra omarê Banê Zanayişan hetêk ra zî Akademî Lîseyan zêde keno û nê cayon de teyna dersanê binge nêy çalakîyê sosyal zî virazîyeno. Emser Dîyarbekir hetê spor û ciwanî de cayêko hîna weş de bo. Ma endî nêwazenî ke ciwanê ma bêrê îstîsmarkerdiş. Aye ra zî ma binawanîye ci xêz kenî. Ciwananê şima teberê mektebê de zî wextê xo Hîna weş û bi kalîteyin biveynê. Ma wazeme ke tesîsê spor û falîyetê sosyal zêde bikeme. Şima do bivînê ke sibaroje ciwananê Dîyarbekirî bibedilno.”

Karalogluyî mijdan daye ke semedo ke ciwanî eşkenê kamp û seyran bivirazê qezaya Pîranî de bi nameyê Kampê Ciwanan ya Seleheddîn-î Eyubî cayê kampe virazîyeno û tira 270 ciwanî îstîfade bikerê.

Qezaya Gêlî do rojanê Tirkîya de ca bigîro

Karalogluyî da zanayene ke qezaya Gêlî hetê xizmetanê binawanî û rayîrî de zaf aver şîyo û bade wina vat : “Merkezê qezaya Gêlî de yew Baxçeyê Şarî, salona sporî, Merkezê Ciwanan bêrê viraştiş. Nika projeyo ke Lewe Zîyaretî û Kelaya gêlî girêdayeno hema hema qedîya û pê qedîyayişê ina proje endî hemwelatê ma eşkerê ke pê rehetî tîya de wextê xo biveynê. Ma kelaya de zî kendîşan da dest pêkerdiş. Kendiş pê rayberîyê perwerdekarê Unîversîteya dîcle dest pêkerd.Bêgûman qezaya gêlî endî rojanê Tirkîya de ca bigîro.”

Seba ciwananê unîversîte mijdanê ma estê

Karalogluyî da zanayene ke her serre mabênê 8 û 10 hezar ciwanî wendekar unîversîteyî qezenç kenî û bade wina vat : “Roja Şeme semedê ciwananê unîversîteyî mijdanêke ma estê. Ma her ca de desteg3e ciwanê xo wazeme.”

Qalîkerdişan ra dima pê tewrê Walî Karaloglu, qeymeqomê qeza, şaredarê qeza û temsîlkaranê dezgeyanê sîvîlan maçê fitbolî ame kaykerdiş.

Merasim rê Walîyê Dîyarbekirî Munır Karaloğlu, Qeymeqomê Gêlî Idrıs Arslan,Rektorê Un3ıversîteya Dîcle Prof.Dr. Mehmet Karakoç, Endamê MKYK yê AK Partîyî Alaattın Parlak û Serekê AK Partîyê Bajarî Muhammet Şerif Aydin beşdar bîyî.