Hemşaredarê Şaredarîya Bajarê Girdî yê Amedî Adnan Selçuk Mizrakli hemwelatîyon ra ameyî têhet û îzeh kerd kê ma pê hemwelatîyon ra serkewîme.

Hemşaredarê Şaredarîya Bajarê Girdî yê Amedî Adnan Selçuk Mizrakli,Hemşaredarên Şaredarîya Sûrê Cemal Ozdemır û Fîlîz Buluttekîn ra pîya verê Camîya Pîl de Çarşîya Şewitî de(Yanik Çarşi) esnafan ra ameyî têhet.Hemşaredaran hetê şarî raştê eleqeyêko pîl amê û pîrozkerdîşan qebûl kerdê.Hemşaredaran mudeyêk hemwelatîyon ra suhbet kerd û goşdarîya pêşnîyaz û waştîşanê hemwelatîyon kerdê.Mizrakli îzeh kerd kê gere ma do xebatanê şaredarîyê sero şarî ra pîya bixebitîme û ma pîya serkewîme.

Mizrakli tûrîstanê cayî û xêrîban ra ameyî têhet

Mizrakli,turîstanê cayîya Estanbolê ra ameyî û xêrîban a kê Fîlîpîn ra semedê cayanê tarîxîyan bigêyrê ameyî Amedî ra ameyî têhet.Mizrakli bal ont ke gere ma pîya verê neheqîyan sey blokêk vindîme û ma nêdame ina xeletîyan.”Semedê nimûne neheqîya kê Baxlarî de vejîya gere şarê Stenbolê pê vengêko berz dîyar bikera.Ma eşkenê serkewîme la ma wazemê kê ma pîya serkewîme.” Turîstan zı aşkera kerd kê her çi bena hol û ma pîya serkewîme.

Mizrakli turîstanê kê Fîlîpîn ra zı ameyî ra mudeyêk pê Îngîlîzî suhbet kerd û meymanîyê înan ra ver keyfweşîyê xo ard ziwanê xo ser û turîstan ra fotraf ont.

Ma persivê esnafan ra çarebivînîme

Mizrakli suhbeta şarî ra pêy,esnafanê Çarşîya Şewitî kerd û goşdarîya persiv û pêşnîyazê înan kerd.Mizrakli eleqeyê esnafan ra ver spas kerd û hemwelatê kê sukê de bazar kenê ra zı suhbet kerd.

Mizrakli Tesîsê Komelkî ya Hewselî zîyaret kerd

Mizrakli zîyaretê esnaf û hemwelatîyon ra dima Koşka Qazîyê ya Tesîsê Komelkî ye Hewselî ya Şaredarîya Girdî zı zîyaret kerd û werdegeh,çayxane û dawetxaneyê dezgeyê gêra û xebatkaran zanayîş girewt.

Mizrakli xebatkaran ra

Hemşaredarê Şaredarîya Bajarê Girdî yê Amedî Adnan Selçuk Mizrakli,Serekîya Dayîreyê Karanê Fenî ,Serekîya Dayîrêyê Îmar û Bajarvanîyê,Serekîya Dayîreyê Kontrol û Pawitişa Dorûverî,Serekîya Dayîreyê Keraranê Nuşteyan zîyaret kerd û personelan ra ameyî têhet.