Hemşaredarê Şaredarîya Bajarê Girdî yê Amedî Adnan Selçuk Mizrakli, beşdarê çalakîyên şanik û şanoyî ya kê seba 15ê Gulane Roşanê Ziwanê Kurdkî,Merkezê Kultur û Kongreyî de ameybî viraştiş, bî .Mizrakli çalakÎye di gedeyan ra ameyî têhet û qijan rê kitab vila kerd.

Hemşaredarê Şaredarîya Bajarê Girdî yê Amedî Adnan Selçuk Mizrakli û Hemşaredara Yenîşehrê Belgîn Dîken, beşdarê çalakîyên şanik û şanoyî ya kê seba 15ê Gulane Roşanê Ziwanê Kurdkî bîyî.Roşanê Ziwanê Kurdkî bi çalakîyan Merkezê Kultur û Kongreyî de serrast bî û çalakî pê şanikên bi kurdkî “Qijik û Rovî” bi kirmançkÎ zî şanika “Hamolek” î dewom kerd.

“Sê Ezazaek” zaf ecibîya

Pê vatişê şanikan ra dima Şano yê Bajarî ya Amedî pê kaya “Sê Ezazaek” a kê 25 deqeyin vejîya verê temaşekerdoxan .Kay 3 kesanê kêcîya-cîya grev ra ver wesayît de manenê û pawitişê înan sero qalî keno.Kaya Sê Ezazek hetê temaşekerdoxan zaf ecibîya.

Çalakîyan ra dima Hemşaredar Mizrakli qiseykerdîşêko kilm viraşt û kedkaranê çalakîyan rê spas kerd.Mizrakli aşkera kerd kê ziwan rûmeta ma yo û ziwan sey şita dayikan o.

Hemşaredaran gedeyan rê kitab vila kerd

Hemşaredaran pêynîyê çalakîyê di gedeyan ra ameyî têhet û bi wesîleya 15ê gulane Roşanê Ziwanê Kurdkî kitaba kê tarîxa Amedî sero nusîyayo waştîşanê gedeyan sero îmza kerd û qijan ra vila kerdê.