Hevserokê Şaredariya Bajarê Mezin a Amedê Dr. Selçûk Mizrakli, beşdarî merasîma bîranîna Endamê Desteya Rêveber a ÎHDê Muhterem Suren bû.

Endamê Desteya Rêveber a Navendî ya ÎHDê Muhterem Suren par 6ê hezîrana 2018an çûbû ber rehma Xwedê. Ji bo bîranînê li Navenda Çandê û Kongreyan merasîmek hate lidarxistin. Hevşaredar Mizrakli, parlamenter Meral Daniş Beştaş, Serokê Baroya Amedê Cîhan Aydin û nûnerên saziyên civaka sîvîl di merasîmê de amade bûn.

Di merasîma bîranînê de, jiyana Suren hate vegotin, li ser xebat û bîranîna wî axaftin hatin kirin. Her weha hevşaredar Mizrakli jî axaftinek kir û Surenê gorbihûşt bi rêzdarî yad kir.