Hemşaredarê Şaredarîya Bajarê Girdî yê Amedî Adnan Selçuk Mizrakli, Galerîye Hunerî ya kê verê cû xebatanê ci ameybî vindertiş, akerd.

Galerîye Hunerî ya Amedî ya kê Serekîya Dayîreyê Karanê Kultur û Sosyalî ya Şaredarîya Girdî ra giredayîyê û verê cû xebatanê ci ameybî vindertiş,newe ra kewt xizmetê şarî.Galerî bi “Paşengeha Şexsî “ ya Jîndar Zenan Gumuş a kê 10 serrî dera û Kursê Resîmî ya Şaredarîya Girdî de perwerde gêna dest pêkerd.Akerdîşê galerîye Hemşaredarê Şaredarîya Bajarê Girdî yê Amedî Adnan Selçuk Mizrakli viraşt.

Hemşaredar Mizrakli,Gumuş û gedeyanê bînan ra Galerîye Hunerî ya Amedî ya kê Sumerparqe dero gêra û resmên kê hunermenda qij xêze kerdîbî, wekinit.Mizrakli derheqê resman di Gumuş ra zanayîş girewt û gedeyan ra zaf eleqedêr bî.

Jîndar Zenan Gumuş zî akerdîşê Galerîye Hunerî ya bi paşengeha xo ver keyfweşîyê xo ard ziwanê xo ser û Şaredarîya Girdî rê spas kerd.Badê Mizrakli semedê gedeyan qalîkerdişêk kilm viralşû “Zenan xeyal û hêvîyên xo xêze kerdîbî şima zî xeyalên xo bîyarê qese,resmê,seramîkê û nuşteyên xo,qenê xeyalên şima azad bo.Ez semedê şima siberojên henî azad,henî zerrîweş û henî bi hêvî wazena” vat.

Kitabxaneyê Mehmet Uzunî wekinit

Hemşaredar Mizrakli bado Kitabxaneyê Mehmet Uzunî ya kê Sumerparqe dero wekinit.Mizrakli seba kê gedeyon rihetsiz nêbî şî teber di,derheqê xebatanê kitabxane sero zanayîş girewt û semedê averşîyayîşê kitabxaneyên Şaredarîyê sero personelan ra pêvînayiş kerd.