Hemşaredarê Şaredarîya Bajarê Girdî yê Amedî Adnan Selçuk Mizrakli,Otogarê Qezayan a Rojhelate zîyaret kerd û derheqê xebatanê kê yeno plankerdiş zanayîş girewt.

Hemşaredarê Şaredarîya Bajarê Girdî yê Amedî Adnan Selçuk Mizrakli,Hemşaredara Sûrê Fîlîz Buluttekîn,endamên meclîsê û amîranê beşan Otogarê Qezayan a Rojhelate ya qezaya Yenîşehrê zîyaret kerd û derheqê xebatanê kê yeno plankerdiş zanayîş girewt.

Mizrakli warê otogarê sehna û derheqê xebatan di zanayîş girewt.Mizrakli projeyê kê hetê Serekîya Dayîreyê Karên Fenî semedê newe kerdene Otogarê Qezayan a Rojhelate hadrekerdîbî wekinit û aşkera kerd kê xebatan demêko kilm de dest pêbikero.Mizrakli teftîş ra pêy esnaf û hemwelatîyon ra ameyî têhet û goşdarîya persiv û waştîşanê înan kerd.Mizrakli îzeh kerd kê semedê helkerdîşê persivê esnafan çîyêko lazimo bêrê viraştene.

Mizrakli badê esnafe kê verba otogarê de pê kitabanê xo kitabxane viraştîbî zîyaret kerd û kitabxaneyî wekinit û esnafî pîroz kerd û serkewtîşê ci waşt