Hemserekê Şaredarîya Bajarê Girdî yê Amedî Adnan Selçuk Mizrakli,çadirê fitarî ya kê şaredarîya girdî 3 cîya nuqteyî de û meymanxaneyê neweş û keyeyanê neweşan de ronayî bî sehna û derheqê hadreyînan de zanayîş girewt.Mizrakli semedêko kemasîyan nêbî û personelan henî weş bixebitê veng da.

Hemserekê Şaredarîya Bajarê Girdî yê Amedî Adnan Selçuk Mizrakli,çadirê fitarî ya kê şaredarîya girdî semedê piştgirî û ardimî mabenê şarî de bizednê ,Warê Şêx Seîdî(Daxkapi),Parkê Koşiyolîyê û Bulvara Medıne ya Baxlarî û Meymanxaneyê Neweş û Keyeyanê Neweşan de ronayî bî sehna û derheqê hadreyînan de zanayîş girewt.Mizrakli semedêko kemasîyan nêbî û personelan henî weş bixebitê veng da.Hemşaredar Mizrakli ewilî meymanxaneyî de gêra û badê çadirê fitarî ya Warê Şêx Seîdî zîyaret kerd.

Mizrakli semedêko kemasîyan nêbî personelan îqaz kerd û waşt kê henî bi lebate û weş bixebitê.Mizrakli bado çadirê fitarî ya Ben û Sen ê Şaredarîya Yenîşehrê zı zîyaret kerd û Hemşaredar Belgîn Dıken ra ameyî têhet.Mizrakli hadreyînê fitarî ra sero Belgîn dıken ra pêvînayiş kerd û xebatanê personelan ra ver spas kerd.

Hemşaredar Mizrakli zîyaretê Ben û Sen ra dima çadiranê bînan zı sehna û çadirê fitarî ya kê neweşxaneyî de hetê Şaredarîyê Peyasê ronayîbî zîyaret kerd û Hemsereka Peyasê Kezîban Yilmaz ra ameyî têhet û derheqê xebatan de zanayîş girewt.