Hevserokê Şaredariya Bajarê Mezin a Amedê Dr. Selçûk Mizrakli, serdana Seyrangeha Devegeçidiyê kir û rewşa wê seh kir. Seyrangeh li ser 186 hezar metrekareyî ye û tê de melevangeh, xaniyên darîn, kafeterya, yarîgehên zarokan û amûrên fîtnessê hene.

Hevserokê Şaredariya Bajarê Mezin a Amedê Dr. Selçûk Mizrakli, serdana Seyrangeha Devegeçidiyê kir û rewşa wê seh kir. Seyrangeh bi ser Serokatîya Daîreya Park Baxçe û Şîngehan e li ser 186 hezar metrekareyî ye û tê de melevangeh, xaniyên darîn, kafeterya, yarîgehên zarokan û amûrên fîtnessê hene. Mizrakli der barê seyrangehê de agahî ji rayedaran wergirtin û ji ber keda wan spasiya karkeran kir û cejna wan a qurbanê pîroz kir.

Xaniyên darîn û kerpîçê amade dibin

Mizrakli, xaniyê darîn û xaniyê kerpîçê ku di nav Seyrangehê de tên avakirin seh kirin. Ev xanî, nimûneya xaniyên sereke yên Mezopotamyayê ne. Mizrakli bal kişand ku ev xaniyên ekolojik in û got ku şaredarî dê van avahiyan li seyrangehên din jî çêke.

Melevangeh jî li ser 288 metrekareyî tê avakirin, Mizrakli seha wê kir û got ku ji bo Seyrangeha Devegeçiyê bibe cihekî balkêş ew ê stûnên ronîkirinê daçikînin.